Isaïas
50 Teyta Jehovämi nin:
“¿Mëchötan këkan wayïpita qarqamur mamëkikunata entreganqä divorciu papel?+
¿Pitapis debikurku qamkunata rantikurqä?*
¡Rikäyë! Jutsata* rurayanqëkipitam qamkunaqa rantikushqa kayarqunki,+
y qamkuna jutsata rurayanqëkipitam mamëkikunatapis qarqamurqö.+
2 Tsëqa, ¿imanirtan shamurqa pitapis tarirqätsu
y qayakamuptïqa ni pï contestamarqantsu?+
¿Makï taksha kaptinku qamkunata salvëta puëdïtsu?*
¿O manaku qamkunata salvanäpaq* podernï kan?+
Yaku mana kaptinmi pescädukunapis wanur ismuriyan.
3 Noqam ciëlukunata yanayäratsï,+
y jananmanmi chukru yana tëlata mashtä”.
Pëqa cada patsa warëmi yachatsimänampaq shäritsiman.+
5 Llapanta Gobernaq Teyta Jehovämi
entiendikoq kanäpaq yanapamashqa,
y noqaqa cäsukoqmi karqö,+ y manam kikï munanqätatsu rurarqö.+
Insultamar toqapayämuptimpis manam cäräta pakarqötsu.+
7 Llapanta Gobernaq Teyta Jehovä yanapamaptinmi+
imapitapis penqakushaqtsu.
Pedernal rumitanö cäräta tikratsishqa karmi+
mana penqakatsishqa kanäpaq kaqta musyä.
8 Alli kaqta ruranqäta nimaqmi lädüchö këkan.
¿Pitan imapitapis tumpamëta* munan?*+
Lädüman shamutsun.*
¿Pitan imallatapis conträ katsin?
Lädüman witimutsun.
9 ¡Rikäyë! Llapanta Gobernaq Teyta Jehovämi yanapamanqa.
¿Piraq culpayoq kanqäta ninman?
¡Rikäyë! Puyu* ushanqan röpanömi
pëkunaqa ushakäyanqa.
10 ¿Qamkunapita mëqëkikunatan Teyta Jehoväta respetayanki
y sirweqnin ninqanta wiyakuyanki?+
¿Mëqëkitan mana ni ima aktsi kanqan alläpa ampiraqchö o tsakëchö* puriyarqunki?
Tsëqa, Teyta Jehoväpa jutinman confiakuyë, y yanapëkuyäshunëkipaq Teyta Diosta ashiyë.
11 Pëmi nirqan: “¡Rikäyë! Qamkuna ninata tsaritseqkuna
y chispakunata yarqutseqkuna.
Tsaritsiyanqëki nina aktsinqanchö
y chispakuna aktsinqanchö puriyë.
Noqapitaqa kë castïgutam chaskiyanki:
Alläpa nanatsikurmi patsachö jitaräyanki.