Isaïas
43 Jacobpa kastankunata kamaq
y Israel nunakunata ruraq Teyta Jehovämi këta nin:+
Qamkunataqa jutikikunapam qayarqö,* y qamkunaqa noqapam kayanki.
Ninapa pasarpis manam rupakuyankitsu,
y rawrëkaq o lunyëkaq ninapis manam imanäyäshunkitsu.
3 Noqa Jehovämi Diosnikikuna kä,
y noqa Israelpa Limpiu Diosninmi Salvashoqnikikuna kä.
Qamkunata salvanäpaqmi* Egiptupita,
Etiopïapita y Sebäpita nunakunata pagashaq.
Y qamkunata salvanäpaqmi*
mëtsika nunakunata y nacionkunata pagashaq.
5 Ama mantsakäyëtsu, noqam qamkunawan këkä.+
Inti o rupay yarqamunan lädupitam tsurikikunata apamushaq
y inti o rupay jeqanan lädupitam qamkunata kutitsiyämushqëki.+
6 Norti lädutam, ‘¡kutïkatsi!’+ nishaq, y sur lädutanam kënö nishaq:
‘Ama pëkunata quedatsikuytsu.
Karu sitiukunapita ollqu tsurïkunata apamuy y patsapa kuchunkunapita warmi tsurïkunata apamuy.+
8 Nawiyoq karpis mana rikaq
y rinriyoq karpis mana wiyaq nunakuna libri ëwakuyänanta dejayë.+
9 Mëtsë nacionpita nunakuna juk sitiullachö juntakäyätsun,
tsënölla mëtsë markapita nunakunapis juntakäyätsun.+
¿Pëkunapita mëqantan tsëkuna pasakunampaq kaqta nishqa?
¿Mëqanllapis puntata imakuna pasakunampaq kaqta* willakuyta puëdinku?+
Tsëqa wakinkuna wiyarnin,
‘¡rasuntam nikan!’ niyänampaq testïgunkunata apayämutsun”.+
10 Teyta Jehovämi këta nin: “Qamkunam noqapa testïgükuna kayanki.+
Awmi, qamkunam sirwimaqnïkuna y noqa akranqä nunakuna kayanki.+
Qamkunataqa reqiyämänëkipaq, noqaman confiakayämunëkipaq
y noqaqa mana imëpis cambianqäta entiendiyänëkipaqmi qamkunata akrarqö.*+
Noqapa puntätaqa manam ima Diospis kashqatsu
y noqapa qepätapis manam ima Diospis kashqatsu.+
11 Noqam Jehovä kä,+ y noqapita jukqa manam salvakoq kantsu”.+
12 “Juk nacion nunakuna adorayanqan santukuna
qamkunachö manaraq kaptinmi tsëkunata willarqö,*+ qamkunata salvarqö y tsëkunata musyatsirqö.*
Tsëmi qamkunaqa testïgükuna kayanki y noqam Dios kä, nïmi noqa Jehovä.+
Noqa imatapis ruraptïqa, ¿piraq michämëta puëdinman?”.+
14 Israelpa Limpiu+ Diosnin y Yapë Rantiyäshoqniki+ Teyta Jehovämi nin:
“Qamkunarëkurmi Babilonia nunakunaman soldädukunata mandamushaq
y punkunkunatam ushakätsishaq,+ y Caldëapita nunakunapis barcunkunachömi mantsakar büllayanqa.+
15 Noqam Jehovä kä, noqam Israel nunakunata kamarqö.+
Awmi, noqam qamkunapa Limpiu Diosnikikuna+ y Gobernaqnikikuna kä”.+
16 Lamar chowpimpa*
y laqcheqyëkaq yakupa nänita ruraq Teyta Jehovämi,+
17 awmi, guërrapaq carrëtakunata,+ cawallukunata, puëdeq soldädukunata
y wakin soldädukunata pushaq Teyta Diosmi kënö nin:
“Patsachö jitarëkarmi quedariyanqa+ y manam sharkayämunqatsu.
Mëcha upeqnömi* llapankuna ushakäriyanqa”.
18 “Ama unë cösaskunaman
ni unë pasakunqankunallamanqa yarparäyëtsu.
19 ¡Rikäyë! Manaraq rikäyanqëkitam rurashaq,+
y kanan höram tsëta rurar qallëkä.
¿Manaku cuentata qokuyanki?
20 Akranqä sirwimaqnïkuna upuyänampaq+
tsunyaq sitiuchö yaku kananta permitiptï
y mana imapis kanqanchö mayukuna* kananta permitiptïmi+
chukaru animalkuna, chacalkuna*
y avestruzkunapis alabayämanqa.
21 Tsë sirwimaqnïkunataqa,
noqata alabayämänampaqmi akrarqä.+
22 Peru qamkunaqa Jacobpa kastankuna,
manam qamkunata yanapëkunäpaq+ noqaman rogakayämurqunkitsu.
Y qamkuna Israel nunakunaqa, noqapitam ajayäriyarqunki.+
23 Manam noqapaq rupatsiyämunampaq üshakunata apayämurqunkitsu,
y manam alabayämänëkipaq qarëkunata apayämurqunkitsu.
Noqaqa manam qarëkunata apayämunëkipaq qamkunata obligarqötsu*
ni yuraq inciensuta apayämunëkipaq qamkunata amälas obligarqötsu.+
24 Manam shumaq pukutaq o mushkoq cäñata noqapaq rantiyämurqunkitsu,
y manam pishtashqa animalnikikunapa wiranta noqapaq rupatsiyämurqunkitsu.+
Tsëpa rantinqa, mëtsika jutsëkikunatam*
lasaq qepitanö janäman churayämurqunki, y kutin kutin imëka mana allikunata rurarmi ajayätsiyämarqunki.+
26 Juiciuman ëwashun y imatapis qonqashqa kaptïqa yarpätsiyämë.
Imanö pasakunqanta willakayämuy y rasumpa kaqta niyanqëkita rikätsikuyë.
28 Tsëmi sagrädu sitiuchö carguyoq kaqkunapis rikënïpaq limpiunatsu kayanqa.