Ezequiel
10 Tsëpitam zafïru rumitanö rikarqä, y gobernar jamakuyänan sïllanömi karqan. Tsëqa këkarqan, querubin angelkuna jananchö këkaq vidriunö pïsu niraq jananchömi.+ 2 Tsënam pëqa,* lïnupita rurashqa röpayoq+ nunata kënö nirqan: “Querubinkuna këkäyanqan chowpinman,* ruëdakuna këkanqan chowpinman yëkuykur,+ aptatsishunqëki shanshëkaq o shankëkaq carbonta makikiwan apamuy.+ Y tsë carbontana entëru marka jananman maqtsïkuy”.+ Tsënö mandaptinmi, tsë nunaqa rikarëkaptï yëkurqan.
3 Tsë nuna yëkunqan höraqa, wayipa derëcha kaq lädunchömi querubinkuna shëkäyarqan.* Y ichik patiumanmi pukutë juntarirqan. 4 Teyta Jehoväpa poderninqa+ querubinkuna kaqchö këkanqampitam, punkupa umbralnin kaqman witsarqan y wayimanmi pukutë juntarirqan.+ Y entëru patiuchömi Teyta Jehoväpa podernin chipaparqan. 5 Y waqta patiuchömi querubinkunapa älankuna waqanqan wiyakarqan. Llapanta Puëdeq Teyta Diospa vozninnöran wiyakarqan.+
6 Tsënam pëqa* lïnupita rurashqa röpayoq nunata kënö nir mandarqan: “Ruëdakuna chowpinman,* querubinkuna këkäyanqan chowpinman yëkur shanshëkaq o shankëkaq carbonta aptamuy”. Tsënö niptinmi pëqa yëkurir juk kaq ruëdapa lädunman shäkurirqan.* 7 Tsënam juk kaq querubinqa,+ chowpinkunachö* këkaq shanshëkaq o shankëkaq carbonta ichikllata aptarkur lïnupita rurashqa+ röpayoq nunata aptarkätsimurqan. Tsënam pëqa aptarkur yarqamurqan. 8 Querubinkunapaqa älankuna rurinchömi, nunapa makinnö makinkuna karqan.+
9 Y rikarëkarmi rikëkurqä, querubinkunapa lädunkunachö chusku ruëdakunata. Cada querubinpa lädunchömi juk ruëda karqan. Tsë ruëdakunaqa crisölitu ruminöran chipaparqan.+ 10 Chuskumpis tsë niraqllam kayarqan. Cada ruëda rurinchömi juk ruëda mas churashqanö karqan.* 11 Tsë ruëdakunaqa më läduman ëwarpis manam tikrayaqtsu. Chuskun lädumampis mana tikrëllapam ëwayaq. Mëmanmi querubinkunapa cärankuna rikaraq, tsëmanmi ëwayaq, peru manam tikrayaqtsu. 12 Tsë querubinkunapa entëru cuerpunkunachö, waqtankunachö, makinkunachö y älankunachöpis mëtsika nawikunam karqan. Tsënöllam chuskun ruëdakunachöpis entëru lädupa mëtsika nawikuna karqan.+ 13 Y ruëdakunatam juk voz kënö nirqan: “¡Tumar ëwayë!”.
14 Tsë querubinkunaqa chusku cärayoqmi kayarqan. Juk kaq cäranmi querubinpa karqan, juk kaq cärannam nunapa karqan, juk kaq cärannam leonpa karqan y juk kaq cärannam pichakpa* karqan.+
15 Tsë querubinkunaqa patsapitam pallarikarkuyaq.* Tsë querubinkunaqa karqan Kebar mayu* kuchunchö rikanqä angelkunam.*+ 16 Querubinkuna mëpapis ëwayaptinqa ruëdakunapis tsëpam ëwayaq. Querubinkuna älankunata kicharkur patsapita pallarikarkuyaptinqa* ruëdakunapis mana tikrëllapam pallarikarkuyaq. Ruëdakunaqa querubinkunapa lädunkunallachömi imëpis këkaq.+ 17 Querubinkuna pärariyaptinqa, ruëdakunapis pärariyaqmi. Querubinkuna pallarikarkuyaptinqa,* ruëdakunapis pallarikarkoqmi. Angelkunata* puritseq Teyta Diospa poderninllam ruëdakunatapis puritseq.
18 Tsëpitanam Teyta Jehoväpa poderninqa,+ punkupa umbralninchö këkanqampita querubinkuna jananman kutirqan.+ 19 Querubinkunaqa rikarëkaptïmi älankunata kichëkur patsapita pallarikarkuyarqan.* Y lädunkunachö këkaq ruëdakunapis pëkunawan juntum pallarikarkuyarqan. Tsëpitanam Teyta Jehoväpa wayimpa inti o rupay yarqamunan läduchö punkunmanna ëwayarqan. Israelpa Diosnimpa poderninqa querubinkuna jananchönam këkarqan.+
20 Pëkunaqa kayarqan, Israelpa Diosnin yanapamaptin Kebar mayu*+ kuchunchö rikanqä angelkunam.* Tsënöpam musyarqä tsë angelkunaqa querubinkuna kayanqanta. 21 Chuskunkunam kayarqan chusku cärayoq y chusku älayoq. Y älankuna rurinchö makinkunapis nunapanömi karqan.+ 22 Cärankunaqa Kebar mayu*+ kuchunchö këkar rikanqä angelkunapa cärankunanöllam karqan. Puntaman rikarëkarllam ëwayaq.+