Nümerus
24 Israelïtakunata Teyta Jehovä bendicinqanta rikarmi, Balaamqa israelïtakunata ima pasanampaq kaqta tapukoq ëwarqannatsu.+ Tsëpa rantinqa, israelïtakuna këkäyanqan tsunyaq sitiumanmi rikarqan. 2 Y israelïtakuna grüpu grüpu këkäyanqantam Balaamqa rikarqan.+ Tsë höram Teyta Diospa santu espïritunta chaskirqan.+ 3 Tsëpitanam Teyta Dios ninqanta kënö parlarqan:+
“Beorpa tsurin Balaam-mi këta willakuykä,
Teyta Dios musyatsimanqantam willakü,
4 Teyta Dios parlanqantam wiyä,
Llapanta Puëdeq Teyta Diosmi visionta rikätsimashqa,
y tsëta rikëkarmi patsaman qonqurikurqö.+
5 Jacobpa kastankuna, ¡carpëkikunaqa* kuyëllapaqmi!
Israelïta nunakuna, ¡carpëkikunaqa alläpa shumaqmi!+
6 Mëtsikan pampanö,+
mayu* kuchunchö huertanö,
Teyta Jehovä winatsinqan* shumaq pukutaq o mushkoq äloe plantanö,
y yaku kuchunchö winaq cedru plantanömi rikakan.
7 Ishkë baldinkunapitam yaku shutuykan,
y murukuyninkunapis yaku kuchunchömi këkan.+
Pëkunapa gobernaqninqa+ mandakoq Agagpita+ mas reqishqam kanqa,
gobiernuntaqa manam ushakätsita puëdiyanqatsu.+
8 Teyta Diosmi Egiptupita pushamushqa,
y poderninwanmi pëkunata yanapëkan.
Sufritseqnin nacionkunataqa ushakätsinqam,+
tullunkunatam mikukurkunqa, y flëchankunawanmi ushakätsinqa.
9 Pëqa leonnömi punuykan,
¿y piraq punuykaq leonta ashipanman?
Pëkunata bendiceqkunatam bendicinqa,
y maldiceqkunatam maldicinqa”.+
10 Tsënö niptinmi Balacqa Balaamwan alläpa cölerakurqan. Y makintapis paqchirmi o taqllarmi Balaamta nirqan: “Chikimaqnïkunata maldicinëkipaqmi qamtaqa qayatsimurqoq.+ Tsënö kaptimpis, kananwanqa kima kutinam pëkunata bendicirqunki. 11 Noqawanqa reqishqam tikrankiman karqan,+ peru Jehovämi munashqatsu. Kananqa wayikita kutikuy”.
12 Balaamnam Balacta nirqan: “Noqaqa mandamunqëki nunakunatam nimurqä: 13 ‘Wayin junta plätata y öruta Balac qaramaptimpis, Teyta Jehovä mandamanqanllatam rurashaq’. Y, ‘Teyta Jehovä nimanqanllatam parlashaq’.+ 14 Imanö kaptimpis, manaraq ëwakurmi markëkita israelïtakuna imata rurayänampaq kaqta willashqëki”. 15 Tsënö nirmi Teyta Dios ninqanta kënö parlarqan:+
“Beorpa tsurin Balaam-mi këta willakuykä,
Teyta Dios musyatsimanqantam willakü.+
16 Teyta Dios parlanqantam wiyä,
Llapanta Gobernaq Poderösu Diostam reqï,
Llapanta Puëdeq Teyta Diosmi juk visionta rikätsimashqa,
y tsëta rikëkarmi patsaman qonqurikurqö.
17 Rikäshaqmi, peru manam kanantsu,
ni këpita ichik tiempullatatsu.
Pëqa Moabchö nunakunapa+ urkunkunatam pakinqa,
y mana alli nunakunapa peqanta o umantam pashtanqa.
18 Edomchö markakunam israelïtakunapa kanqa,+
y Seirchö+ markakunam pëkunapa kanqa,+
israelïtakunam valienti kayanqanta rikätsikuyanqa.
19 Jacobpa kastankunapita juk nunam wakinkunata dominanqa,+
y pëmi tsë markachö quedaqkunata ushakätsinqa”.
20 Amalec nacionta rikarnam, Balaamqa kënö nirqan:
21 Quenïta nunakuna kawayanqan markakunata rikarnam kënö nirqan:+
“Qaqa jananchö y següru markachömi kawayanki.
22 Tsënö karpis, kawayanqëki markataqa ninawanmi ushakätsiyanqa.
Y imë karpis Asiria nunakunam prësu apakuyäshunki”.
23 Y Balaamqa kënöpis nirqanmi:
“¿Piraq salvakunqa Teyta Dios tsëta ruraptin?
Peru pëpis ushakätsishqam kanqa”.
25 Tsëpitanam Balaamqa+ markanta kutikurqan, y Balacpis ëwakurqanmi.