Zacarïas

4 Tsëpitanam noqawan parlaq angel kutiramur punuykaq nunatanö riyatsimarqan o rikchatsimarqan. 2 Tsëpitanam, “¿imatataq rikëkanki?” nir tapumarqan.

Tsënam nirqä: “Jananchö tazonyoq örupita+ candelabrutam rikëkä. Tsë candelabruqa qanchis chiwchikunayoqmi,+ y cada chiwchipam tübun kan. 3 Tsë candelabrupa lädunkunachömi ishkë olïvus+ plantakuna kan, juk kaqmi tazonpa derëcha lädunchö, y juk kaqnam izquierda lädunchö”.

4 Tsëpitanam noqawan parlaq angelta, “teyta, ¿imatataq tsëkuna rikätsikun?” nir tapurqä. 5 Tsënam noqawan parlaq angelqa nimarqan: “¿Manaku imata rikätsikunqanta musyanki?”.

Noqanam, “manam teytallë” nir contestarqä.

6 Tsënam pëqa nimarqan: “Zorobabeltam Teyta Jehovä nin: ‘“Tsëkunaqa pasakunqa manam mëtsika soldädukuna yanapayäshuptikitsu ni puëdeq kayaptikitsu,+ sinöqa podernïwan qamkunata yanapaptïmi”*+ ninmi angelkunata mandaq Teyta Jehovä. 7 Zorobabelpa+ puntanchö problëmakuna jirkanö jatusaq karpis, pampanöllam quedayanqa.+ “¡Alläpa shumaqmi! ¡Tsë rumiqa alläpa shumaqmi!” nikäyaptinmi, pëqa perqa ushananchö ëwaq rumita* apamunqa’”.

8 Tsëpitanam Teyta Jehovä yapë parlapämar kënö nimarqan: 9 “Zorobabelpa makinmi kë wayipa cimientunta churarqan,+ y pëpa makinllam ushanqapis”.+ Tsënömi musyayanki angelkunata mandaq Teyta Jehovä mandamashqa kanqanta. 10 “Imatapis tsëraq qallëkäyanqampitaqa* ama burlakuyëtsu.+ Pëkunaqa alläpam kushikuyanqa, y Zorobabelpa makinchömi plomädata rikäyanqa. Tsë qanchis chiwchikunaqa,* entëru patsata rikëkaq noqa Jehoväpa nawïkunam kayan”.+

11 Tsëpitanam, “¿imatataq rikätsikun candelabrupa derëcha y izquierda lädunchö olïvus plantakunaqa?”+ nir tapurqä. 12 Këtapis tapurqämi: “¿Imatataq rikätsikun qarwash aceitita shutuykaq olïvus plantapa rämankuna?* Tsë rämakunapitaqa örupita ishkë tübupam aceiti ëwëkan”.

13 Pënam, “¿manaku musyanki tsëkuna imata rikätsikunqanta?” nimarqan.

Noqanam, “manam musyätsu teyta” nirqä.

14 Pënam, “tsëkunaqa rikätsikun entëru patsata gobernaq Teyta Diospa lädunchö këkaq ishkë akrashqan nunakunatam” nimarqan.+