Salmus
Maskil.* David qellqanqan salmus. Këtaqa David mañakurqan machëchö këkarmi.+
142 Teyta Jehovämanmi qayakurqä yanapëkamänampaq,+
Teyta Jehovämanmi rogakurqä yanapëkamänampaq.
2 Alläpa yarpachakur
y alläpa llakikurmi Teyta Diosta llapanta willä.+
Mana alli nunakunaqa purinqä nänimanmi trampata churayämun.
4 Teyta Dios, derëcha kaq lädüman rikë,
manam mëtapis qeshpir ëwakuyta puëdïtsu.+
Noqapaqqa manam ni pï yarpachakuntsu.
5 Tsëmi Teyta Jehovä yanapëkamänëkipaq kënö mañakamü:
“Qamtam ashirqoq tsapämänëkipaq,+
kë patsachöqa qamllatam yanapëkamänëkipaq shuyaraq”.
6 Teyta Dios, manam imanö këtapis puëdïnatsu,
tsëmi yanapëkamänëkipaq qayakëkämü.
Chikimaqkunapita salvëkamë,+
pëkunaqa noqapitapis mas puëdeqmi kayan.
7 Teyta Dios, jutikita alabanäpaq librëkamë,
carcelashqanömi këkä.
Alli ruraq nunakuna lädüman shayämutsun,
qamqa noqawan alläpa allim kanki.