Ezequiel

42 Tsëpitanam waqta kaq patiuman pushamar,+ cälli lädunchö këkaq comedorkuna kaqman apamarqan.+ Tsë comedorkunaqa jatun wayipa norti kaq lädunchömi karqan.+ 2 Tsë comedorkunapa largunta norti kaq lädupa mediptinqa, cincuenta y dos metrusmi* karqan y anchunnam veintiseis metrus* karqan. 3 Tsë comedorkunaqa ruri kaq patiuwan y waqtachö këkaq pavimentuwanmi qaqaraq. Ruri kaq patiupa anchunqa, chunka metrum* karqan.+ Tsë comedorkunaqa, kima pïsu wayichömi karqan y pasadïzunkunaqa frenti frentim karqan. 4 Y rurichö këkaq comedorkunapa* puntampam juk pasadïzu karqan.+ Tsë pasadïzupa anchunqa, pitsqa metrum* karqan y largunnam cincuenta y dos metrus* karqan. Tsëmanqa norti kaq lädupam yëkuyaq. 5 Primer pïsuchö y segundu pïsuchö këkaq comedorkunaqa, mas jatunmi karqan. Peru tercer pïsuchö kaqqa, pasadïzuyoq karmi mas takshalla karqan. 6 Tsë wayikunaqa, kima pïsu karpis manam patiuchönötsu columnakunayoq karqan. Tsëmi primer pïsuchö y segundu pïsuchö comedorkunaqa mas jatun karqan, peru tercer pïsuchö kaqqa mas takshallam karqan.

7 Waqta kaq patiuchömi, comedorkunapa amänunchö y wakin kaq comedorkunapa frentinchö rumipita rurashqa perqa karqan. Tsë perqapa largunqa veintiseis metrusmi* karqan. 8 Waqta kaq patiuchö këkaq comedorkunapa largunqa, veintiseis metrusmi* karqan. Peru sagrädu cuartu lädunchö këkaq comedorkunapa largunqa cincuenta y dos metrusmi* karqan. 9 Waqta kaq patiupita tsë comedorkunaman yëkuyänampaqqa, inti o rupay yarqamunan lädumampam yëkunan këkarqan.

10 Tsënöllam rumipita rurashqa perqapita rurimampis comedorkuna karqan. Tsë comedorqa karqan inti o rupay yarqamunan lädumampam, cällipa y jatun wayipa lädunmampa.+ 11 Tsë comedorkunapa puntanchö pasadïzuqa, norti kaq läduchö comedorkunapa pasadïzunnöllam karqan.+ Norti kaq läduchönöllam, tsë comedorkunapapis anchun, largun, yarqukuyänan y cuartunkunapis karqan. Y yëkukuyänanqa 12 sur kaq läduchö comedorkunapanöllam karqan. Yëkukuyänanqa karqan, inti o rupay yarqamunan lädumampa këkaq ishkan lädupita perqakuna tinkoqchömi.+

13 Tsëpitanam kënö nimarqan: “Norti läduchö y sur läduchö cälli lädumampa këkaq comedorkunaqa sagrädum.+ Tsëchömi, Jehoväpa puntanman ëwaq sacerdötikuna mas sagrädu kaq qarëkunata mikuyan.+ Tsë sitiu sagrädu kaptinmi, tsëmanqa churayan mas sagrädu kaq qarëkunata, gränupita rurashqa qarëkunata, jutsankunapita* perdonashqa kayänampaq apayanqan qarëkunata y culpayoq kayanqampita apayanqan qarëkunata.+ 14 Tsë comedorkunaman sacerdötikuna yëkurqa, manam tsëchö trabajayanqan röpankunallawanqa waqta kaq patiuman yarqayämunantsu.+ Tsë röpankunaqa sagrädunam. Tsëmi wakin nunakuna këkäyanqanman yarqamuyta munarqa, tsë röpataraq cambiakuyänan”.

15 Templu rurinta medir usharirnam, inti o rupay yarqamunan läduchö këkaq punkupana yarqatsimarqan.+ Y tsëchönam perqata medipakurqan.

16 Templupa inti o rupay yarqamunan kaq lädutam medirqan. Juknin kaq esquïnapita juknin kaq esquïnayaq mediriptinmi quinientus bärras* karqan.

17 Norti kaq läduta mediriptinmi quinientus bärras karqan.

18 Sur kaq läduta mediriptinmi quinientus bärras karqan.

19 Y tsëpita tumarir inti o rupay jeqanan lädu kaqta mediptinmi, quinientus bärras karqan.

20 Tsënömi chuskun lädunta medirqan. Y sagrädu kaq sitiuta y mana sagrädu kaq sitiuta rakinampaqmi,+ templupa chuskun lädumpa murälla karqan.+ Tsë murällapa largunqa, quinientus bärrasmi karqan y anchumpis quinientus bärrasmi+ karqan.