Isaïas
56 Teyta Jehovämi këta nin:
“Alli kaqta defendiyë+ y imëpis alli kaqta rurayë.
Salvacionnïqa ichikllachönam chämunqa,
y ichikllachönam alli kaqta ruranqä musyakärinqa.+
2 Tsëta ruraq nuna y tsëta ruranampaq kallpachakoq
nunapa tsurinqa kushishqam kanqa.
Tsënöllam säbadu junaqpaq mandakunqäta respetaq y cäsukoq nunapis,+
y mana alli rurëkunapita cuidakoq nunapis kushishqa kanqa.
3 Noqa Jehoväta adoramaq juk nacionpita nunakunaqa+ ama kënö niyätsuntsu:
‘Teyta Jehoväqa sirweqninkunapitam rakiramäshun’.
Qolloq nunakunapis ‘¡rikäyë! Noqaqa tsakishqa qerum kä’ niyätsuntsu”.
4 Teyta Jehovämi këta nin:
“Qolloq kayaptimpis säbadu junaqpaq mandakunqäta respetaqkunata,
kushitsimanqanta rurayänampaq decideqkunata,
y ruranqä acuerduta väleqpaq churaqkunataqa,
5 ollqu y warmi tsurikunapitapis mas väleqtam entregashaq.
Awmi, wayïchömi sitiunkuna entregashaq y jutinkunataqa manam imëpis qonqashaqtsu.
Tsënöllam jutinkuna imëyaqpis qellqashqa kananta permitishaq,
tsë jutinkunaqa manam imëpis qonqashqatsu kanqa.
6 Juk nacionpita këkarpis noqa Jehoväta adoramaqkunata,
noqa Jehoväpa jutïta kuyaqkunata,+
noqata sirwiyämänampaq decideqkunata,
säbadu junaqpaq mandakunqäta cäsukoqkunata y respetaqkunata
y ruranqä acuerduta väleqpaq churaqkunataqa,
7 akranqä sagrädu jirkamanmi pushamushaq.+
Y nunakuna noqaman mañakayämunqan wayïchömi kushishqa kayänanta permitishaq.
Altarnïman apayämunqan rupatsina qarëkunata y pishtashqa animalkunatam chaskishaq.
Y wayïtaqa llapan markapita nunakuna mañakuyänan wayi nirmi reqiyanqa”.+
8 Juk nacionman apayanqan israelïtakunata yapë juntëkaq+ Llapanta Gobernaq Teyta Jehovämi nin:
“Juntamunqä nunakunamampis maskunataran juntamushaq”.+
9 Chakrakunachö chukaru animalkuna
y montikuna rurinchö chukaru animalkuna mikuyänëkipaq shayämuy.+
Llapankunam mana kanikoq allqunö wiyarëkäyan,+ y punuy gustaptinmi jäkalyar jitarëkäyan.
11 Mallaqashqa allqunömi* imatapis ushëpa ushayan,
y manam tariyanqanwan conformakuyantsu.
Pëkunaqa imatapis mana entiendeq mitsikoqkunanömi kayan.+
Llapankunam munayanqanta rurayan,
y nuna mayinkunata engañarmi imëkatapis tariyan, y kënömi niyan:
12 “Ëwakayämuy vïnuta ashimushaq,
y melananqantsikyaq alcoholta upushun.+
¡Kanannölla karpis warëqa mas allim kanqa!”.