Isaïas
51 Wiyayämë qamkuna alli kaqta ruraqkuna,
y qamkuna noqa Jehoväta ashimaqkuna.
Rikäyë mëqan qaqapita yarqayämunqëkita,
y mëqan rumita jipiyänan sitiupita yuriyämunqëkita.
Tsunyaq sitiutam Eden huertatanö tikratsishaq,+
y tsunyaq pampatam noqa Jehoväpa huertätanö tikratsishaq.+
Tsëchöqa llapan shonqunkunawanmi kushikuyanqa,
agradecikoqmi kayanqa y shumaq cancionkunatam cantayanqa.+
4 Sirwimaq nunakuna alkäbu wiyayämë,
akranqä nunakuna shumaq wiyayämë.+
Noqapitam leykunata chaskiyanki+ y rikënïpaq alli kaq rurëtam
mëtsëpita nunakunapaq aktsitanö churashaq.+
5 Alli kaqta ruranäpaqqa ichikllanam pishin,+
y ichikllachönam qamkunatapis salvayashqëki+
y podernïwanmi mëtsëpita nunakunata juzgashaq.
Islakunachö nunakunapis noqamanmi confiakayämunqa+
podernïwan ruranqäta rikäyänampaqmi shuyaräyanqa.+
6 Ciëlukunata rikäyë
tsënölla patsatapis rikäyë.
Ciëlukunaqa qoyënöllam o qoshninöllam ushakäyanqa
y röpa makwayar ushakanqannöllam patsapis ushakanqa,
tsëchö kawaqkunapis chuspinöllam ushakäyanqa.
Ama mantsakäyëtsu wanoqlla nunakuna qamkunapita burlakuyaptin,
y insultayäshuptikipis ama mantsakar karkaryäyëtsu.
Peru alli kaqta ruranqäqa,
y salvacionnïqa manam imëpis ushakanqatsu”.+
9 Unë witsanchö ruranqannölla,
Teyta Diospa puëdeq rikran+ imatapis ruratsun.
Awmi, Teyta Jehoväpa puëdeq rikran
puëdeq kanqanta rikätsikutsun.
Qammi Rahabtapis ushakätsirqëki,+ y lamarchö mantsëpaq animaltapis tuksirqëki.+
10 Qammi mëtsika hondu yakuyoq lamartapis tsakitsirqëki,+ tsë mëtsika yakuta tsakitsirmi,
yapë rantimunqëki nunakunata tsaki patsapa tsimpatsirqëki.+
11 Teyta Jehovä salvanqan kaqkunaqa,
Sion jirkamanmi kushishqa kutiyämunqa.+
Llapan shonqunkunawan kushikuyanqanqa,
peqankunachö o umankunachö corönanömi kanqa.+
Alläpa kushishqam kayanqa y manam waqayanqanatsu ni llakikuyanqanatsu.+
12 “Noqam qamkunata shoqëkä.*+
Tsëqa, ¿imanirtan wanoqlla nunata mantsayanki+
o verdi plantanö ushakäreqlla nunapa tsurinta mantsayanki?
13 ¿Imanirtan ciëlukunata mashtaq,+ patsapa cimientunta churaq,
y qamkunata kamayäshoqniki Teyta Jehoväta qonqëkuyanki?+
Ushakätsiyäshunëki kaptinnömi, entëru junaq sufritsiyäshoqnikikuna* cölerakuyänanta mantsayarqëki.
Peru kananqa, ¿imachötan ushayashqa
qamkunawan cölerakur sufritsiyäshoqnikikuna?
14 Puktirëkaqkuna o umpurëkaqkuna y cadenarëkaqkunapis ichikllachönam libri kayanqa.+
Y manam wanuyanqanatsu o wañuyanqanatsu ni uchkuman jitashqa kayanqanatsu,
y manam mikuyänampaqpis faltanqatsu.
15 Noqaqa Jehovä Diosnikim kä,
noqaqa lamar yakutam laqcheqyätsir büllatsï.+
Y noqapa jutïqa angelkunata mandaq Jehovämi.+
16 Parlanqäkunata willakunëkitam permitishaq,
y puëdeq makïwanmi imëkapita cuidashqëki.+
Tsëtaqa rurashaq ciëlukunata sitiunman churanäpaq, patsapa cimientunta churanäpaq+
y Sionchö nunakunata, ‘qamkunaqa sirwimaqnïkunam kayanki’ ninäpaqmi.+
17 ¡Sharkuyë! ¡Sharkuyë! Jerusalenpita nunakuna,+
qamkunaqa noqa Jehoväpita chaskirmi
cöleräwan junta këkaq cöpapita upuyarqunki.
Qamkunaqa vïnu cöpachö llapan kanqantam, tsanka tsanka puriyanqëkiyaq upuyarqunki.+
18 Manam mëqan wamrampis pëta pushanampaq tsëchötsu këkan,
y manam mëqan wätanqan wamrankunapis pëpa makinta tsararëkantsu.
19 Ishkë mana allikunam pasayäshunki.
Ushakätsiyäshunkim y imëkëkikunatam apakuyanqa.
Mallaqäyankim y espädawanmi wanutsiyäshunki.+
¿Pillaraq llakipäyäshunki?* ¿Pillaraq shoqayäshunki?+
20 Tsurikikunapis desmayarmi ushayanqa.+
Y mällawan tsariyanqan* chukaru üshakunanömi,
llapan cällikunapa esquïnankunachö jitaräyanqa.
Noqa Jehovä qamkunawan cölerakuptï, y qamkunata corregiptïmi tsëkunata pasayanki”.
21 Tsëmi vïnuta mana upushqa këkar machashqa,
y llakishqa këkaq warmi kë ninqäta wiyamë.
22 Diosnikikuna y sirweqninkunata defendeq Señor Jehovämi këta nin:
“¡Rikë! Cöleräwan junta këkaq cöpatam makikipita apakushaq,+
y mananam yapëqa tsë cöpapita upunkinatsu.
Tsë cöpapita upurmi qamqa tsankakëkachar purirqunki.+
23 Kananqa sufritsiyäshoqnikikunapa makinmanmi churayashqëki.+
Pëkunaqa kënömi niyäshurqëki:
‘Janëkikunapa pasayänäpaq patsaman lätayë’.
Tsënam qamkunaqa patsaman lätayarqëki y pëkunaqa imëka cällipanömi waqtëkikunata jarur pasayarqan”.