Osëas
12 “Efrainqa imapaqpis mana väleqmanmi confiakun.
Entëru junaqmi inti o rupay yarqamunan lädupita shamoq vientuta qatipan.
Imëkanöpam ulikun o llullakun, y imëka mana allikunatam ruran.
Asiriawanmi+ acuerduta ruran, y Egiptumanmi aceitita apan.+
2 Teyta Jehovämi Judä nunakunata juzganqa,+
y imanö portakunqampitam Jacobta castiganqa.
Rurëninmannömi castiganqa.+
3 Mamampa pachanllachöraq këkarqa, wawqintam atakampita* aptanqa.+
Llapan kallpanwanmi Teyta Dioswan tsaränakurqan.*+
Betelchömi Teyta Diosqa tarirqan, tsëchömi noqantsikpaq parlaparqan.+
5 Jehoväqa llapanta mandaq Teyta Diosmi.+
Pëtaqa Jehovä jutipam yarpäyan.+
Noqa Diosnikikunaman imëpis confiakuyë.
8 Efrainqa imëpis kënömi nin:
‘Imëkayoqmi kä,+ y rïcum tikrarqö.+
Llapan ruranqächöpis manam jutsata* ni ima mana allitapis tariyankitsu’.
9 Egiptuchö+ kayanqëki witsampitam, noqaqa Jehovä Diosnikikuna kä.
Fiestata rurayanqëki tiempuchönömi
carpakunachö* kawayänëkita permitishaq.
10 Willakoqnïkunatam parlaparqä,+
imëkatam musyatsirqä
y willakoqnïkunawanmi igualatsikuykunata qamkunata willarqä.*
11 Galaadchö nunakunaqa magiatam rurayashqa+ y mana rasun kaqtam parlayashqa.
Guilgalchömi törukunata rupatsiyashqa,+
y altarninkunaqa chakrachö montunayanqan rumikunanömi kayan.+
12 Jacobqa Aramtam*+ qeshpir ëwakurqan.
13 Willakoqnïwanmi noqa Jehovä israelïtakunata Egiptupita jipimurqä,+
y willakoqnïwanmi pëkunata cuidarqä.+
14 Efrainqa noqa Diosnintam feyupa cöleratsimashqa,+
pëqa wanutsinqan nunakunapa yawarnimpitam imëpis culpayoq kanqa.
Patronninta penqakatsinqampitam castigashqa kanqa”.+