2 Rëyes

13 Veintitres watapa Ocozïaspa+ tsurin Jehoas+ Judächö gobernëkaptinmi, Jehüpa+ tsurin Jehoacazqa Israelchö gobernar qallëkurqan. Samaria markachömi diecisiëti watapa gobernarqan. 2 Jehoacazqa, israelïtakunata jutsata* ruratseq Nebatpa tsurin Jeroboannömi, Jehovä Diosta mana cäsukur imëka jutsata rurarqan.+ 3 Tsëmi Jehovä Diosqa cölerar+ israelïtakunata+ mëtsika watakunapa dejarirqan. Siria nacionpa gobernantin Hazaelpa+ y tsurin Ben-Hadadpa+ poderninchömi kayarqan.

4 Tiempu pasariptinnam Jehoacazqa, israelïtakunata Siria nacionpa gobernantin alläpa sufritsiptin,+ Jehovä Diosman rogakur mañakurqan. Y Jehoväqa wiyarqanmi. 5 Jehovä Diosqa Siria nacionpa podernimpita libranampaqmi juk nunata churarqan.+ Tsëmi israelïtakunaqa puntatanö wayinkunachö kushishqa kawakuyarqan. 6 (Peru Jeroboanwan familiankuna israelïtakunata ruratsiyanqan jutsataqa* rurëkäyarqanllam.+ Y Aserä santupa postimpis*+ Samaria markachö këkarqanllam). 7 Gobernanti Jehoacazpaqa cincuentallanam cawalluyoq soldädunkuna, chunkallanam carrëtankuna y diez mil-llanam soldädunkunapis quedashqa karqan. Siria nacionpa gobernantinmi ërachö trïguta jarutseqnö+ llapanta ushakätsishqa karqan.+

8 Gobernanti Jehoacaz ruranqankunapita y puëdeq kanqampitaqa Israelchö gobernaqkunapaq willakoq librum masllata willakun. 9 Jehoacaz wanuriptinqa Samaria markamanmi pampayarqan.+ Tsëpitanam Jehoas jutiyoq tsurin gobernar qallëkurqan.

10 Gobernanti Jehoas+ treinta y siëti watapa Judächö gobernëkaptinmi, Jehoacazpa tsurin Jehoasqa Israelchö gobernar qallarqan. Y Samaria markachömi dieciseis watapa mandakurqan. 11 Jehoasqa, israelïtakunata jutsata* ruratseq Nebatpa tsurin Jeroboannömi, Teyta Jehoväta mana cäsukur imëka jutsata rurarqan.+

12 Gobernanti Jehoas ruranqankunapita, puëdeq kanqampita y Judäpa gobernantin Amasïaswan+ pelyanqampitaqa Israelchö gobernaqkunapaq willakoq librum masllata willakun. 13 Jehoas wanuriptinnam Israelchö gobernantikuna pamparäyanqan Samaria markachö pampayarqan.+ Tsëpitanam tsurin Jeroboan+ gobernar qallëkurqan.

14 Juk kutim Diospa willakoqnin Eliseu+ qeshyarqan, y tsënö qeshyarmi wanukurqan. Peru manaraq wanukuptinmi Israelpa gobernantin watukaq ëwarqan, y chärirmi kënö nirqan: “¡Teytallë teyta, Israel nunakunapa guërrapaq carrëtankunata y cawallunkunatam rikëkä!”.+ 15 Tsënam Eliseuqa, “arcutawan juk ishkë flëchata apamuy” nirqan. Tsënö niptinmi flëchatawan arcuta aparqan. 16 Chäratsiptinnam Jehoasta Eliseu nirqan: “Flëchana arcuykita aptë”. Aptarkuptinnam Eliseuqa Jehoaspa makin jananman makinta churarqan. 17 Tsëpitanam Eliseuqa nirqan: “Inti o rupay yarqamunan lädupa ventänata kichë”. Y kichariptinnam, “arcuykiwan juklla flëchë” nirqan. Flëchëkuptinnam Jehoasta kënö nirqan: “Tsë flëchanqëkiwanmi cläru këkan, ¡siriu soldädukunapa podernimpita Jehovä Dios salvashunëkipaq kaqta! Siriu nunakunatam Afec markachö+ vencinki”.

18 Tsëpitanam Eliseuqa Jehoasta nirqan: “Wakin flëchakunata aptë”. Aptarkuptinnam nirqan: “Kananqa tsë flëchakunawan patsata takë”. Tsënam pëqa kima kutilla patsata takëkurqan. 19 Tsëmi Diospa willakoqninqa cölerar nirqan: “¿Manaku pitsqa o joqta kutillapis takëkunkiman karqan? Tsënö rurarqa siriu nunakunatam ushakätsinkiman karqan. Peru kananqa kima kutillam vencinki”.+

20 Tsëpitanam Eliseu wanukurqan y pampayarqanmi. Cada watam Moabpita+ asaltantikuna Israel nacionman suwakuyänampaq ëwayaq. 21 Juk kutim Israel nunakuna ayata pampayänampaq apayarqan. Peru pampëkarmi rikäriyarqan Moabpita asaltantikuna shamuykäyaqta, tsëmi Eliseupa sepultüranman ayata jitëkur qeshpir ëwakuyarqan. Tsënam ayaqa Eliseupa tullunwan topëkur kawarirkamur sharkamurqan.+

22 Jehoacaz gobernanqan witsanmi, Siria nacionpa gobernantin Hazaelqa+ israelïtakunata sufritsirqan.+ 23 Tsënö këkaptimpis Abrahanwan,+ Isaacwan+ y Jacobwan+ acuerduta rurashqa karmi Jehovä Diosqa israelïtakunata llakiparqan*+ y manam permitirqantsu ushakätsiyänanta. Tsëmi kananyaqpis kawayänanta permitishqa. 24 Siria nacionpa gobernantin Hazael wanuriptinnam, Ben-Hadad jutiyoq tsurin gobernar qallëkurqan. 25 Hazaelpa tsurin Ben-Hadadmi, Jehoacaz gobernëkaptin pelyarnin Israel markakunata duëñutukushqa karqan. Tsëmi tsurin Jehoasqa tsë markakunata yapë poderninman kutitsimurqan. Jehoasqa kima kutipam Ben-Hadadta vencirqan.+