Apocalipsis

15 Ciëluchömi mantsëpaq y espantëpaq juk señal masta rikarqä: qanchis castïgukunayoq qanchis angelkunata.+ Tsëkunam ultimu castïgukuna kayan, y tsëwanmi Teyta Dios cölerakunqan usharin.+

2 Tsënöllam ninawan takushqa vidriupita lamar niraqta,+ y mantsëpaq chukaru animalta, tsë animal niraq santuta+ y jutimpa nümerunta+ vencishqa kaqkunata rikarqä.+ Pëkunaqa vidriupita lamar lädunchömi shëkäyarqan,* y makinkunachömi Teyta Diospa arpankunata këkätsiyarqan. 3 Teyta Diospa sirweqnin Moisespa+ cancionninta y Orqu* Üshapa cancionnintam cantëkäyarqan.+ Kënömi niyaq:

“Llapanta Puëdeq Jehovä* Dios,+ qam ruranqëkikunaqa shumaq+ y espantëpaqmi. Imëpita imëyaqpis Gobernaq,+ qam ruranqëkikunaqa alli kaq y rasumpa kaqmi.+ 4 Teyta Jehovä,* ¿piraq respetashunkimantsu? ¿Piraq jutikita alabanmantsu? Qamllam mana dejakoq kanki.+ Alli kaqta rurar juzganqëki musyakashqa kaptinmi, llapan nacionpita nunakuna qampa puntëkiman shamur adorayäshunki”.+

5 Tsëpitanam Teyta Diospa Sagrädu Cäjan+ këkanqan ciëluchö templu* kichakanqanta rikarqä,+ 6 y templupitam qanchis castïgukunayoq qanchis angelkuna yarqayämurqan.+ Pëkunaqa lïnupita rurashqa limpiu y chipapëkaq röpayoqmi këkäyarqan, y pëchunkunachömi örupita wachukuta wachakarëkäyarqan. 7 Chuskun querubinkunapita juknin kaqmi, imëyaqpis kawaq Teyta Diospa cöleranwan junta këkaq örupita qanchis tazonkunata qanchis angelkunata entregarqan.+ 8 Y Teyta Diospa poderninrëkur y chipapanqanrëkurmi, templuman qoyë o qoshni juntarirqan.+ Qanchis angelkuna katsiyanqan qanchis castïgukuna ushanqanyaqmi, ni pï templuman yëkuyta puëdirqantsu.+