2 Timoteu

4 Teyta Diospa, y cläru yurimur+ y Gobiernunchö shamur,+ kawëkaqkunata y wanushqakunata+ juzgaq Cristu Jesuspa rikëninchömi këta cläru mandaq:+ 2 alli tiempuchö y mana alli tiempuchöpis Teyta Diospa palabranta urgenti* willakuy,+ y alläpa pacienciawan y shumaq yachatsir wakinkunata corregi,+ cläru parlapë y cläru consejë.+ 3 Juk tiempuqa manam pëkuna alli* yachatsikuykunata wiyëta munayanqatsu,+ tsëpa rantinqa, kikinkuna munayanqanta rurarmi, wiyëta munayanqanta yachatsikoqkunata ashiyanqa.+ 4 Manam rasumpa kaqta wiyakuyanqanatsu, y uli o llulla cuentukunatam cäsukuyanqa. 5 Peru qamqa, llapan imëkachö imëpis alli juiciuyoq kë, mana allikunata pasar alli tsarakuy,+ imëpis alli noticiakunata willakuy* y Teyta Diospaq ruranqëki trabäjuta alli cumpli.+

6 Noqaqa Teyta Diospaq apayanqan qarë jananman jichëkäyanqan vïnu qarënömi këkä,+ y libri kanä tiempuqa këllachönam këkan.+ 7 Alli kaq pelyatam pelyarqö,+ carrërachömi ushananyaq cörrirqö+ y creinqächömi firmi tsarakurqö. 8 Kanampitaqa allita ruraqkunapaq corönam noqapaq churarëkan.+ Tsëtaqa Señormi, awmi, alli kaqta ruraq juezmi+ tsë junaqchö premiutanö entregamanqa,+ peru manam noqallatatsu, sinöqa rikakunanta llapan shonqunkunawan shuyashqa kaqkunatapis.

9 Ichikllachöna rikämaq shamunëkipaq, llapan puëdinqëkita rurë. 10 Kë munduchö kaqkunata* kuyarmi, Dëmasqa+ dejaramar Tesalönicata ëwakushqa, Crescentinam Galaciata ëwashqa, y Tïtunam Dalmaciata ëwashqa. 11 Lücasllam noqawan këkan. Marcusta pushamuy, pëqa Teyta Diosta sirwinqächömi alläpa yanapaman. 12 Tïquicutaqa+ Ëfesutam mandarqö. 13 Shamurqa, Tröaschö Carpupa wayinchö dejanqä aqshunata* y röllukunata apakamunki, masqa qarapita kaqkunata.

14 Cobriwan trabajaq herrëru Alejandrum imëka mana allikunata ruramashqa. Tsëpitaqa Jehovämi* ruranqanmannö kutitsinqa.+ 15 Qampis pëpita cuidakuy, pëqa imëkata rurarmi willakunqantsikpa contran churakashqa.

16 Punta kutichö defendikuptïqa manam pillapis lädüchö karqantsu, sinöqa llapankunam dejarayämarqan. Tsënö kaptimpis, Teyta Diospa rikëninchö mana culpayoq kayänantam munä. 17 Peru Señorqa läduchömi këkarqan y kallpayoq kanäpaqmi yanapamarqan, tsënöpa alli noticiakuna noqawan mëtsëchö willakushqa kanampaq y llapan nacion nunakuna wiyayänampaq,+ y leonpa shimimpitam salvashqa karqö.+ 18 Señorqa imëka mana allikunapitam libramanqa, y ciëlu Gobiernunchö kanäpaqmi salvamanqa.+ Pë imëyaqpis alabashqa katsun. Tsënö kallätsun.*

19 Priscatawan Äquilata+ y Onesïforupa+ wayinchö kaqkunata saludëkuy.

20 Erastuqa+ Corintuchömi quedakurqan, y Tröfimutaqa+ Milëtuchömi qeshyëkaqta dejarqä. 21 Tamya witsan manaraq qallaptin chämunëkipaq, llapan puëdinqëkita rurë.

Eubülum qampaq salüdunta apatsikämun, tsënöllam Pudenti, Lïnu, Claudia y llapan wawqikuna y panikunapis salüdunkunata apatsikayämun.

22 Imanö pensanqëkichö Señor bendicïkushuy, y qamkunawan alläpa alli këkutsun.