2 Crönicas
17 Tsëpitanam tsurin Jehosafat+ gobernar qallëkurqan y Israelchömi puëdeq gobernanti tikrarqan. 2 Judächö alli murallashqa markakunaman, entëru Judä markakunaman y papänin Asä duëñun tikranqan Efrainchö markakunamanmi soldädukunata churarqan.+ 3 Jehosafatqa unë kastan David ruranqannömi,+ Teyta Jehoväta sirwir kawakurqan y manam Baal santukunata adorarqantsu. Tsëmi Teyta Diosqa yanaparqan. 4 Pëqa manam israelïtakunapa costumbrinkunata qatirqantsu,+ tsëpa rantinqa papänin sirwinqan Diostam sirwirqan y cäsukurqan.+ 5 Jehosafat-taqa Jehovämi yanaparqan Judächö puëdeq gobernanti kanampaq.+ Y llapan nunakunam Jehosafat-ta imëkata qarayaq, tsëmi pëqa imëkayoq karqan y llapan nunakunam respetayaq.+ 6 Jehovä Dios mandakunqanta llapan shonqunwan cäsukunampaqmi valienti tikrarqan, tsëmi Judächö sagrädu altu sitiukunata+ y Aserä santupa postintapis* ushakätsirqan.+
7 Kima watapa gobernëkarmi Jehosafatqa Judächö këkaq markakunachö yachatsikuyänampaq dirigenti Ben-Hailta, Abdïasta, Zacarïasta, Netanelta y Micäyata qayatsirqan. 8 Pëkunatam yanapayarqan levïta Semäya, Netanïas, Zebadïas, Asahel, Semiramot, Jehonatan, Adonïas, Tobïya y Tob-Adonïas. Y pëkunawannam këkäyarqan sacerdöti Elisamäwan Jehorampis.+ 9 Jehovä Diospa Leynin qellqarëkaq libruta aparkurmi,+ entëru Judä markakunapa ëwar nunakunata yachatsiyarqan.
10 Judä nacionpa amänunchö këkaq nacionkunapis, Jehovä Diosta mantsarmi Jehosafat gobernanqan markakunata atacayarqantsu. 11 Y filisteukunaqa impuestuta pagarmi Jehosafatpaq imëkakunata y qellëtapis apayaq. Y ärabe nunakunanam siëti mil setecientus carnërukunata y siëti mil setecientus chïvukunata* apayaq.
12 Jehosafatqa mas puëdeqmi tikrarqan.+ Tsëmi alli següru sitiukunata+ y churakuyänan markakunata+ Judächö ruratsirqan. 13 Judä markakunachömi imëkakunata ruratsirqan, y Jerusalen markamannam mas valienti kaq soldädukunata churarqan. 14 Pëkunaqa cada kastapitam kayarqan. Judäpa kastampitam mil soldädukunapa mandaqninkuna kayarqan. Tsëchömi Adnä këkarqan trescientus mil alli valienti soldädukunawan.+ 15 Adnäpa mandädunchömi këkarqan Jehohanan, y pëqa doscientus ochenta mil soldädukunapa mandaqninmi karqan. 16 Tsënöllam Adnäpa mandädunchö karqan Zicrïpa tsurin Amasïah, pëqa karqan doscientus mil valienti soldädukunapa mandaqninmi. Amasïahqa kikinmi änikurqan Jehovä Diosta sirwinampaq. 17 Benjaminpa+ kastampitanam pelyëta alli yachaq Eliadä karqan, pëqa doscientus mil soldädukunapa mandaqninmi karqan. Llapan soldädukunam flëchakuna arcuyoq y escüduyoq kayarqan.+ 18 Eliadäpa mandädunchömi karqan Jehozabad, pëqa pelyayänampaq listullana këkaq cientu ochenta mil soldädukunapa mandaqninmi karqan. 19 Tsë llapankunam gobernantipa sirweqninkuna kayarqan, y wakin soldädunkunanam Judäpa alli murallashqa markankunachö kayarqan.+