Apocalipsis

8 Orqu* Üsha+ qanchis kaq sëlluta kichariptinnam,+ media hörapanö ciëluchö upälla quedakuyarqan. 2 Y Teyta Diospa puntanchö shëkaq* qanchis angelkunatam rikarqä,+ y pëkunatam qanchis trompëtakunata entregayarqan.

3 Tsëpitanam juk angelna örupita carbon puritsinan* tsarashqa chärirqan, y altarpa lädunchömi shëkar* quedakurqan.+ Y limpiu nunakuna mañakuyanqan wiyashqa kanqan höra, gobernar täkunapa puntanchö këkaq örupita altarchö rupatsinampaqmi,+ mëtsika inciensuta chaskirqan.+ 4 Angel rupatsinqan inciensu qoyanqanqa o qoshninqanqa, limpiu nunakuna mañakuyanqanwan juntum+ Teyta Diospa puntanman witsarqan. 5 Peru tsë höram angelqa, carbon puritsinaman altarchö ninata winarkur patsaman jitëkurqan. Tsënam räyukunata, parlayanqanta, räyu tillapyanqanta+ y terremötuta rikarqä. 6 Y qanchis trompëtakunata+ katseq qanchis angelkunam tocayänampaq alistakuyarqan.

7 Punta kaqmi trompëtanta tocarqan. Tsënam runtu tamyata y yawarwan takushqa ninata rikarqä, y tsë llapanmi patsaman jitarkamushqa karqan.+ Y patsapita kima kaq parti, montikunapita kima kaq parti y verdirëkaq plantakunapita kima kaq partim, ninawan ushakarqan.+

8 Ishkë kaq angelmi trompëtanta tocarqan. Tsënam rawrëkaq o lunyëkaq jatun jirka niraq lamarman jitashqa karqan.+ Y lamarpita kima kaq partim yawar tikrarqan;+ 9 y lamarchö kaqkunapita kima kaq partim wanuyarqan o wañuyarqan,+ y barcukunapita kima kaq partim ushakäyarqan.

10 Kima kaq angelmi trompëtanta tocarqan. Tsënam rawrëkaq o lunyëkaq chiwchinö estrëlla ciëlupita jeqamurqan. Tsë estrëllaqa mayukunapita* y pukyukunapita* kima kaq partimanmi jeqarqan.+ 11 Tsë estrëllapa jutinqa Ajenjum. Y llapan yakupita kima kaq partim, ajenjunö asqaq o ayaq tikrarqan. Yaku asqaq tikrashqa kaptinmi, tsëwan mëtsikaq nunakuna wanuyarqan.+

12 Chusku kaq angelmi trompëtanta tocarqan. Tsënam intipita o rupaypita kima kaq parti,+ killapita kima kaq parti y estrëllakunapita kima kaq parti perdikärirqan. Tsëmi tsëkunapita kima kaq parti ampiränan o tsakänan* karqan,+ y junaqpita kima kaq partim aktsinannatsu karqan, y tsënöllam paqaswampis pasanan karqan.

13 Rikëkarnam, ciëlu chowpinchö* volëkaq pichak* fuertipa kënö neqta wiyarqä: “¡Allaw! ¡Allaw! ¡Allaw+ patsachö kawaqkuna, trompëtankunata tocayänampaqna këkaq wakin kima angelkuna trompëtankunata tocayaptin!”.+