Osëas
4 Israel nunakuna, Teyta Jehovä niyäshunqëkita wiyakuyë.
Jehovä Diosqa kë nacionchö nunakunatam juzganqa.+
Tsëtaqa ruranqa, mana honrädu kayaptin, mana kuyakoq kayaptin y Teyta Diosta mana reqeqnö portakuyaptinmi.+
2 Kë nacionchöqa, mëtsëchömi äninakuyanqanta cumpliyantsu, ulikuyan o llullakuyan,+ wanutsinakuyan o wañutsinakuyan,+
suwakuyan y jukwan jukwanmi oqllanakur+ kakuyan.
Y qatinallamanmi nunakunatapis wanutsiyan.+
3 Tsëmi kë nacionchö nunakunaqa, alläpa llakikuyanqa+
y wanunäyanqanyaqmi o wañunäyanqanyaqmi kallpannaq tikrayanqa.
Tsënöllam chukaru animalkuna, pishqukuna
y lamarchö animalkunapis wanuyanqa.
4 “Tsënö kaptimpis, ama pï nunapis nuna mayinwan pleytur katsuntsu, nï nuna mayinta qayapätsuntsu.+
Israelïta mayikikunaqa, sacerdötiwan pleytuta asheqkunanömi kayan.+
5 Tsëmi junaqpa purikarpis ishkir ushayanki,
y willakoqkunapis qamwan juntum paqaschönö ishkir ushayanqa.
Y mamëkikunatapis ushakätsishaqmi.
6 Mana reqimarmi sirwimaqnïkunaqa upälla quedakuyanqa.
Reqimëta mana munayaptinmi,+
noqapis sacerdötï kayänanta permitishaqtsu.
7 Mëtsikaq tikrayanqanmannömi mas jutsata* rurayaq.+
Tsëmi pëkunata respetayänampaq rantin penqakatsishqa kayänanta permitishaq.
8 Sirwimaqnïkuna jutsata* rurayaptinqa, sacerdötikunam mas ëtsata mikuyan,
tsëmi sacerdötikunaqa sirwimaqnïkuna mas jutsata rurayänanta munayan.
9 Sirwimaqnïkunata y sacerdötikunatapis
imanö portakuyanqampitam cuentata mañashaq
y portakuyanqanmannömi castigashaq.+
10 Noqa Jehoväta mana respetayämaptikim,
mikuyaptikipis pachëkikuna juntanqatsu,+
y qellëpaq jukwan jukwan karnimpis* manam atskaqtsu kayanki.+
11 Jukwan jukwan kakuyanqëki,* vïnu y llullu vïnuqa
manam alli kaqta rurayänëkipaq yanapayäshunkitsu.+
12 Sirwimaqnïkunaqa qerupita santukunatam tapukuyan
y suerti qateqkunapa tukrun ninqantam rurayan.
Qellëpaqrëkur jukwan jukwan kakuyta* munarmi alli rurëkunata qonqëkuyan,
y qellëpaqrëkur jukwan jukwan kakurmi noqa Diosninkunatapis cäsumëta munayantsu.
13 Jatusaq jirkakunachömi qarëkunata rupatsiyan,+
y shumaq arwaptinmi o llantuptinmi pampakunachö roblikunapa,
jatusaq montikunapa o qerukunapa
y estoräqui plantakunapa jawanchö*+ santunkunapaq qarëkunata rupatsiyan.
Tsëmi warmi tsurinkuna qellëpaqrëkur jukwan jukwan kakuyan,*
y lumtsuyninkunapis mana majankunawan oqllanakur kakuyan.
14 Ollqukunaqa qellëpaqrëkur jukwan jukwan kakoq* warmikunawanmi oqllanakuyan,
y santukunapaqmi qellëpaqrëkur jukwan jukwan kakoq warmikunawan* juntu qarekunata rupatsiyan.
Tsëmi warmi tsurinkuna jukwan jukwan kakuyanqampita
ni lumtsuyninkuna mana majankunawan oqllanakur kakuyanqampita castigashaqtsu.
Tsënö imatapis mana entiendeq nunakunaqa+ mana allichömi ushayanqa.
15 Israel nunakuna,+ qamkuna qellëpaqrëkur jukwan jukwan oqllanakurpis,
ama rurayanqëki jutsaman* Judächö nunakunata ishkitsiyëtsu.+
16 Israel nunakunaqa mana wiyakoq wäkanömi tikrayashqa.+
¿Tsënö këkaptintsuraq, noqa Jehoväqa mallwa carnërutanö pëkunata pampachö mitsïman?
Gobernaqninkunaqa penqakuypaq rurëkunatam gustayan.+
19 Vientum piturkur apakunqa,
y santukunapaq qarëkunata apanqampitam penqakunqa”.