NAHUM
1 Këchömi qellqarëkan Elcos markapita Nahum* chaskinqan revelacion.+ Pëqa Nïnivi markata ima pasanampaq kaqtam willakurqan.
2 Teyta Jehoväqa pëllata adorayänantam munan,+ chikeqninkunataqa castiganmi.+
Teyta Jehoväqa manam pëkuna mana alli rurayanqanta qonqanqatsu,
y pëkunawanmi alläpa cölerakunqa.
Teyta Jehoväqa manam chikeqninkunata castïgunnaqta dejanqatsu.
3 Teyta Jehoväqa pacienciayoq*+ y alläpa puëdeqmi,+
tsënö karpis, jutsata* ruraqkunataqa manam castïgunnaqta dejanqatsu.+
Teyta Jehovä puriptinqa, vientupis imëkata ushakätsir
y mantsakätsikurmi vientun, chakimpitaqa allpapis pukutënöran sharkun.+
Basanchö y Carmëluchö plantakuna,+
y Lïbanuchö wëtakunapis lapikäriyanmi.
5 Pë tsëchö kaptinmi jirkakunapis kuyuyan,
taksha jirkakunapis ushakäriyanmi.+
Patsapis y tsëchö llapan kawaqkunapis
mantsakarmi karkaryäyan.+
6 Pë cölerashqa këkaptinqa, ¿piraq puntanchö këkanman?+
Pë cöleraptinqa, ¿piraq alli tsarakuyta* puëdinman?+
Pëpa cöleranqa ninanömi kanqa,
y qaqakunatapis pasëpam ushakätsinqa.
7 Teyta Jehoväqa alläpa allim,+ y llakikuy tiempuchöqa següru sitiunömi.+
Imëkapitapis tsapëkunampaq asheqkunataqa cuidanmi.*+
8 Pëqa yakuwanmi Nïnivi markata pasëpa* ushakätsinqa.
Chikeqninkunaqa imëpis ampichönömi o tsakëchönömi* kayanqa.
9 ¿Teyta Jehoväpa contran imallatapis rurëta puëdiyankimanku?
Pëqa pasëpam* ushakätsiyäshunki.
Tsënö ushakëqa manam yapëqa kanqatsu.+
10 Pëkunaqa awrikashqa kashanö
y cervëzawan* machashqa nunakunanömi kayan,
tsënö karpis raströjunömi ninawan ushakätsishqa kayanqa.
11 Teyta Jehoväpa contran imëka mana allikunata patsätseq,
imachöpis mana yanapakunqanta consejakoqqa qampitam yarqunqa.
12 Teyta Jehovämi nin:
“Pëkunaqa mëtsikaq y kallpayoqraq këkarpis,
pasëpam* ushakäyanqa.
Qamkunata* sufritsishqa karpis, manam masqa sufritsiyashqëkinatsu.
14 Noqa Jehovämi Asiriapaq kënö mandakurqö:
‘Jutikita apanampaqpis manam kastëkikuna kanqatsu.
Santukunapaq templukunachö këkaq qerupita, rumipita y metalpita* santuykikunatam ushakätsishaq.
Melanëpaq kaptikim, qampaq sepultürata ruratsishaq’.
15 ¡Rikäyë! Alli noticiakunata willakoq
y yamë kawakuypaq willakoqmi jirkakunapa shamuykan.+
Judä nunakuna, fiestëkikunata rurayë+ y änikuyanqëkita cumpliyë.
Qamkuna këkäyanqëkipaqa manam upa nunakuna pasayanqanatsu.
Pëkunaqa pasëpam* ushakäyanqa”.
2 Nïnivi nunakuna, mëtsëman apayäshunëkita permiteqmi qamkunapa contrëkikuna shamuykan.+
Jatusaq murällëkikunata cuidayë,
qamkunaman shamoqkunapita altantu këkäyë.
Alistakuyë y guërrachö valienti kayänëkipaq imëkata rurayë.
2 Chikeqninkuna ushakätsishqa këkäyaptin,
y üvas plantankunatapis ushakätsishqa kayaptinmi,+
Teyta Jehoväqa Jacobpa kastankuna yapë reqishqa kayänanta,
y Israelpa kastankuna unë kayanqannö kayänanta permitinqa.
3 Nïnivi nunakunawan pelyayänampaq puëdeq soldädunkunapa escüdunkunaqa pukam,
y röpankunapis pukallam.
Guërrapaq alistakunqan junaqqa,
guërrapaq carrëtankunachö fiërrukunapis ninanöran chipapäkuyan,
y enebru qerupita lanzakunawanmi pelyayan.
4 Guërrapaq carrëtankunatapis löcunömi cällikunapa puritsiyan.
Pläzakunachöpis witsëpa urëpam cörrikachayan.
Aktsinö y räyunöran atsikyäkuyan.
5 Pëqa* soldädunkunata dirigeqkunatam juntanqa.
Pelyaq ëwarqa trompizarmi ishkiyanqa.
Markankunapa* murällankunaman cörripa ëwarmi,
murällankunata alli segurayanqa.
7 Kë markawan ima pasanampaq kaqqa patsätsishqanam këkan: reinanö këkarmi penqakatsishqa kanqa.
Juk nacionman apashqa kaptinmi sirweqnin warmikuna waqayan.
Pëchunkunata* kutakurmi palumanö llakikuypaq waqayan.
8 Qallanampitam Nïniviqa+ qocharëkaq mëtsika yakunö kashqa,
peru kananqa qeshpirmi ëwakuyan.
“¡Shuyäyë! ¡Shuyäyë!” niyaptimpis,
manam ni pï cäsuntsu.+
9 ¡Plätata y öruta apakuyë!
Pëkunaqa mëtsika riquëzakunayoq
y väleq cösaskunayoqmi kayashqa.
10 Markachöqa manam imapis kantsu, tsunyaq y ushakashqam këkan.+
Nunakunaqa alläpa mantsakarmi ushayan, qonqunkunapis o qonqurninkunapis karkaryëkanmi, chankankunapis alläpam nanan
y mantsakëwanmi cärankunapis yuraqashqa.
11 ¿Imatan pasashqa leonkunapa machëninnö markawan?
Tsë machëchömi mallwa leonkuna+ mikuyaq, tsëpitam leonkuna wawankunawan yarqayämoq
y manam ni pï pëkunata mantsakätseqtsu.
12 Leonqa wawankuna pacha junta mikuyänampaqmi animalkunata tsareq,*
y majan china leonkunapaqmi animalkunata wanutseq.
Machëninchöqa atska mikuymi kaq,
y dejanqan ëtsapis mëtsikam kaq.
13 Angelkunata mandaq Teyta Jehovämi nin:+ “¡Rikë! Qampa contrëkim këkä.
Guërrapaq carrëtëkikunatam ninawan ushakätsishaq,+
y jövinnikikunatam espädawan wanutsiyanqa o wañutsiyanqa.
Manam patsachö animalkunata wanutsinkinatsu,
y manam willakoqnikikunapis willakuyanqanatsu”.+
3 ¡Allaw nuna mayinta wanutseq o wañutseq nunakuna kawayanqan marka!
Tsë markachö nunakunaqa engañanakur y suwapänakurmi kakuyan.
Tsëchö nunakunaqa suwakuyllamanmi yarparäkuyan.
2 Chikutikuna waqanqanta y carrëtakunapa ruëdankuna büllanqantam wiyä.
Cörrikaq cawallukunata y saltëkachar-raq cörrikaq carrëtakunatam rikä.
3 Tsënöllam rikä, cawallun montashqa soldädukunata, chipapaq espädakunata y lanzakunata,
mëtsika wanushqakunata y mëtsika ayakunata,
yupëtapis mana puëdipaq jitarëkaq ayakunata.
Tsë ayakunawanmi nunakunapis trompizar ushayan.
4 Tsënöqa pasanqa jukwan jukwan kakur* mana allikunata ruranqampitam.
Pëqa shumaq y kuyëllapaq kar y brujerïa rurëta yacharmi,
qellëpaq jukwan jukwan kakoq* warminö mëtsika nacionkunata engañashqa y mëtsika familiakunata brujerïa rurar mana allikunaman ishkitsin.
5 Angelkunata mandaq Teyta Jehovämi nin:+ “¡Rikë këchömi qampa* contrëki këkä!”
Llapan nacionkuna qalapächuta rikäyäshunëkipaqmi,
cärëkiyaq faldëkita qarirkamushaq.
Penqakatsiyäshunqëkitam mëtsë nacion nunakuna rikäyanqa.
6 Janëkiman basürata jichamurmi
melanëpaqta tikratsishqëki,
y pasashunqëkipita nunakuna yachakuyänampaqmi penqakatsishqëki.+
7 Llapan rikäyäshoqnikikunam kënö nir qeshpir ëwakuyanqa:+
‘¡Nïnivi markaqa pasëpam* ushakashqa!
¿Piraq pëta llakipanqa?’.*
¿Pillaraq shoqashunki?
8 ¿Nïlu mayuman*+ ëwaq sekyakuna amänunchö këkaq No-Amonpita*+ mas alliku kanki?
Tsë markapaqa entëru lädumpam yaku karqan,
lamarchö imëka allikunata tariptinmi lamar murällan cuenta karqan.
9 Etiopïa y Egiptu nunakunam mana ushakaq kallpan cuenta kayarqan.
Putpita+ y Libiapita nunakunanam yanapaqninkuna kayarqan.+
10 Tsënö kaptimpis, tsë marka nunakunapis
juk markamanmi apashqa kayarqan.+
Wamrankunatapis cällikunapa esquïnankunachömi mana llakipar* wanutsiyarqan.
Respetashqa nunakunatapis sortiëkurmi apakuyarqan,
y reqishqa nunakunatapis cadenarkurmi prësu apakuyarqan.
11 Tsënöllam qamkunapis machashqanö portakuyanki,+
mana tariyäshunëkipaqmi mana ni pï rikäyäshunëkiman ëwakuyanki.
Chikishoqnikikunapita qeshpiyänëkipaqmi següru sitiuta ashiyanki.
12 Murällëkikunapis poqu frütayoq hïgus plantanömi kayan,
kuyurkatsiyaptinllam hïguskunaqa mikoqkunapa shiminkunaman jeqarkamun.
13 Soldäduykikunapis warmikunanö kallpannaqmi kayan.
Chikiyäshoqnikikuna yëkayämunampaqmi markëkikunapa punkunkunapis kicharëkanqa.
Punkuykikunata trancayänëki qerukunatapis ninam ushanqa.
14 ¡Cercashqa kayanqëki junaqpaq yakuta alistayë!+
Murällëkikunata alli segurayë.
Oqu allpaman yëkuykur poqunqanyaq jaruyë,
y adobëruwan ladrïlluta rurayë.
15 Tsëkunata rurëkarpis, ninawanmi ushakätsishqa kanki,
y espädawanmi wanutsiyäshunki o wañutsiyäshunki.+
Chukllushkunanö* mëtsika tikrayaptiki y chukllushkunanö mirayaptikipis,
chukllushkuna imëkata mikur ushakätsiyanqannömi,
16 Qamchö këkaq negociantikunaqa, ciëluchö estrëllakunapitapis masmi mirayashqa.
Chukllushkunaqa* qarankunata dejëkurmi* ëwakuyan.
17 Markëkichö täpakoqkunaqa chukllushkunanömi* kayan,
soldäduykikunata dirigeqkunapis mëtsika chukllushkunanömi kayan.
Alalë junaqchöqa rumipita rurashqa corralkunachömi quedakuyan,
peru inti o rupay yarqaramuptinqa volarmi* ëwakuyan,
y manam ni pï musyantsu mëta ëwayanqanta.
18 Asiriata gobernaq dirigeqnikikunataqa punuymi vencikan,
carguyoq nunëkikunaqa wayinkunachömi quedakuyan.
Markëkichö nunakunaqa jirkakunapam wakpa këpa ëwakuyashqa,
y manam ni pï pëkunata juntantsu.+
19 Mana allikunapa pasaptikiqa manam ni pï yanapashunkitsu.
Herïdëkipaqqa manam jampi kannatsu.
Pïmëta mana llakipar* sufritsishqa kaptikim,+
pasashunqëkita musyëkurqa pïmëpis qampita kushikur paqchiyanqa o taqllakuyanqa.+
Nahum jutiqa, shoqakoq ninanmi.
O “mana ras o sas cölerakoq”.
Kënöpis niyanmi: pecäduta.
Kënöpis niyanmi: riukunapis.
Kënöpis niyanmi: achkukuyta.
O “yarpanmi”. Hebreu idiömachöqa “reqin” ninmi.
Kënöpis niyanmi: jankat.
Kënöpis niyanmi: tutapëchönömi.
Kënöpis niyanmi: jankatmi.
O “trïgupita cervëzawan”.
Kënöpis niyanmi: jankatmi.
Tsënö nirqa, Jüda nunakunapaqmi parlëkan.
O “Janëkikunaman churayämunqan yügutam ushakätsishaq”.
O “tsullutsishqa metalpita”.
Kënöpis niyanmi: jankatmi.
Tsënö nirqa, capazchi Asiriata gobernaqpaq parlëkan.
Tsënö nirqa, capazchi Nïnivipaq parlëkan.
Kënöpis niyanmi: Riukunapa.
Kënöpis niyanmi: laqmarmi.
Hebreu idiömachöqa “Shonqunkunachö” ninmi.
Kënöpis niyanmi: achkoq.
O “oqllanakur”.
O “oqllanakoq”.
Tsënö nirqa, Nïnivipaqmi parlëkan.
Kënöpis niyanmi: jankatmi.
Kënöpis niyanmi: ankupanqa; kuyapanqa.
Kënöpis niyanmi: riuman.
Tsënö nirqa, Tëbas markapaqmi parlëkan.
Kënöpis niyanmi: ankupar; kuyapar.
Kënöpis niyanmi: Churqapikunanö.
Kënöpis niyanmi: jankat.
Kënöpis niyanmi: Churqapikunaqa.
O “shoqpikurirmi”.
Kënöpis niyanmi: churqapikunanömi.
Kënöpis niyanmi: pärirmi; vuëlarmi.
Kënöpis niyanmi: ankupar; kuyapar.