Jehová qomantsik huk Salvadortam

29 Jehovapa lläpampeq punta kamanshqan espirituqa, kanaq häpallan mayor tsurinmi.

Allapa kuye tsurin kaptinmi, Diosnintsik yanapanqa llapan mana allikunata ushakätsinampaq, wiyakoqkunatanam salvanqa.−Juan 3:16, 36

30 Ke patsacho yurinampaqmi Jehová kachamorqan tsurinta, Jesusmi shutinqa. Mamampanam shutin karqan María.−Lucas 1:30–35

31 Jesusqa winarirnin allikunallatam yachatsikorqan. Hukllella Jehová Diosnintsik kanqantam willapäqorqan.−Marcos 12:29, 30

Jesusqa nerqan adorayanki Jehová Diosllata.−Mateo 4:10; Juan 4:23, 24

Nunakunatam yachatserqan Jehovapa Gobiernonpeq.−Lucas 17:20, 21

32 Jesusqa allikunallatam rurarqan, qeshyaqkunatapis kachakätserqanmi. Manam peqa mana allikunataqa rurarqantsu.−Hechos 10:38; 1 Pedro 2:21, 22

Tsepenqa, ¿imanöraq salvamashwan hutsapita, wanipita?

33 Diosnintsik üne israelitakunatam nerqan, sacrificaye animalkunata, hutsekikunapaq. Tsemi Jesusqa sacrificiota qorqan Diosnintsikta, llapan alli nunakunata salvanampaq.−Hebreos 7:25, 27

34 Jesusqa manash sacrificanaqtsu animalkunata. Kïkinmi wanorqan noqantsikrëkur.−Mateo 20:28; Hebreos 10:12

¿Qam musiankiku imanirtan?