¿Imataraq qam rurankiman?
50 ¿Tse shumaq paraisocho wiñeypaq kawakita munankimanku?
Tsepenqa Dios nenqanta yachaki. Biblia leita tïre.−Juan 17:3; Revelación 1:3
51 Jesús ruranqanta yachaki.−Deuteronomio 18:18, 19; Juan 3:16; Hechos 3:19–23
52 Alli rurëllata tïre, Jehová nenqanta wiyakurnin.−Romanos 6:17, 18, 22
53 Yärpe, Diosnintsik Jehovaqa manam munantsu, nuna mayintsikta wanutsinantsikta.−Éxodo 20:13; 1 Juan 3:11, 12
54 Manam nunakunapa ïmantapis suwakushwantsu.−Éxodo 20:15; Efesios 4:28
55 Manam huk ollqu wätanmantsu huk warmita ni punukïkunmantsu mana majanwanqa.−Éxodo 20:14, 17; 1 Tesalonicenses 4:3
56 ¿Yarpankiku huk ollqu, eka warmita wätanampaqtan, nerqan Diosnintsik? ¿Imeyaqtan huk ollqu majanta wätanman?−Génesis 2:22, 24; Mateo 19:5, 6; 1 Corintios 7:2, 10, 11
57 Hina yärpe, Jehová hapallanllatam adoranantsik.−Mateo 4:10; 1 Corintios 8:6
58 Santokuna, imagenkunawan manam ni imacho yanapamantsiktsu. ¿Imanirtan?−1 Corintios 8:4
¿Allitsuraq santokunata wayintsikcho wätashwan?−Deuteronomio 27:15; 1 Juan 5:21
59 ¿Alliku, suerte kanampaq nïrnin, wätashwan amuletokunata? ¿Allitsuraq suerte qateqkunaman ewashwan?−Deuteronomio 18:10–13; Revelación 21:8
60 Diosnintsikta chikeq demoniokuna, munëninkunata rurakuyarqan. Kanannam brujokunata inshiyan, nunakunata ulipäyanampaq.−Hechos 16:16
61 Diosnintsikllamanmi orakunantsik. Orakiqa Dioswan parlëmi, qamllatam adorashqeki ninapaq, yänapëkame ninapaqwan.−Filipenses 4:6, 7
62 Wiyakushwanmi Jesustapis, pëmanmi fenintsik kanman.−Hebreos 5:9; Juan 3:16
63 Yärpe, pëqa wanorqan noqantsikta salvamänantsikpaqmi.−Romanos 5:8
64 Yärpe, Jesusqa Reynintsikmi manam rikantsiktsu. Pëtaqa wiyakunantsikmi.−Filipenses 2:9–11; Revelación 19:16
65 Jesusqa nerqanmi wakinkunatapis parlapäyanki, kë llapan alli yachakushqekita, tsemi Diosta adoreta munaqkunaqa bautizakuyänan.−Mateo 28:19, 20; Juan 4:7–15
66 Tsemi llapan reqinakushqekita willapäneki, kë alli yachakushqëkipita.−Mateo 10:32
67 Alleq leita yachakuptikeqa, masllam kayinki, wakin nunakunatapis yachatsinëkipaq.−2 Timoteo 2:15
68 Jesusqa hina wamrakunatapis yachatserqanmi Diosta wiyayänampaq. Pëqa manam allapa ocupadotsu kanaq wamrakunata parlapänampaq.−Mateo 19:13–15
69 Papaninkunam wamrankunataqa yachatsiyänan Diosnintsikpa Leyninta wiyayänampaq, tsenopa kuyayänampaq.−Deuteronomio 6:6, 7; Proverbios 6:20–22; Efesios 6:4
70 Kananqa tükilaya iglesiakunam kan. Mänam llapan yachatsikuyänqantsu Bibliapeq. Jehovaqa nimantsikmi, yarqukuriye ulikoq mana alli religionkunapita.−Revelación 18:4; Juan 4:23, 24
71 Jehovapa nünankunaqa kë patsacho kayanmi, Jehovapita yachatsiyäshunëkipaq. ¿Musiankiku pikunaraq kayan?−Hechos 15:14; Romanos 10:14, 15
72 Testigo de Jehovakunam kayan. Pëkunaqa yamemi kawakuyan. ¿Qam musiankiku imanirtan? Kïkinkunapura kuyanäkurninmi.−Isaías 43:10–12; Juan 13:34, 35
73 Hina Jehovata kuyarninmi bautizakuyashqa. Kananqa kawayan Diosnintsik munanqannömi, tsenopam rikätsikuyan üne mana alli rurëninkunata haqiyashqanta.−Hechos 2:41
74 Testigo de Jehovakunaqa shuyaräyan, shumaq paraisocho kawëtam kë patsacho.−Salmo 37:9–11, 29
¿Imataraq rurankiman pekunawam tsecho täreta munarqa?−Santiago 1:22, 25; 2:20–26
75 Pëkunawan yachaki Jehová adoreta. Jehovatapis, Jesustapis pëkunaqa kuyayanmi, llapan mandakonqantam wiyacuyan. ¿Qam kuyankiku? ¿Munankimantsuraq yanapeta, wakinkunatapis Diosta reqiyänampaq?−Juan 6:45–47
76 Jehovapis, Jesuspis allapam kuyashunki, pëkunam munayan wiñeypaq paraisocho kawanëkita.−Juan 3:16
Ke folletocho yachakonqenöpis dibujonkunata rikarnin, munankimanchi keno paraisocho wiñeypaq kaweta. Tseno kaptenqa maslla yachakunëkipaq, markëkicho Testigo de Jehovakunata pärlape. Mana kayaptenqa qellqe o pillatapis qellqatsi shutikicho, oficinapa direccionninqa kekan kë folletopa, qallanampa waqtanllachömi.