Ushanan qaran
PUNTA nunatawan warmita kamarirllam Diosqa familiata patsätsirqan, peru kanan witsankunaqa tukïläya problëmakunapam familiakunaqa pasëkäyan. Mözukunachö o shipashkunachö dröga utilisë y rakcha ruranakïkuna alläpa mirashqa kaptin, mëtsikaq divorciakuyaptin, wayichö allqutsanakï alläpa kaptin, wamrankunata japallankuna wätaqkuna mirashqa kaptin y mas problëmakuna kaptinmi, familiakuna imaman chäyänampaq kaqta wakinkunaqa yarpachakuyan.
¿Puëdiyanmantsuraq kanan witsan familiakuna cuidanakur kushishqa kawakïta? Awmi, peru tsëpaqqa familiakuna kushishqa kawakuyänampaq yanapakïkunatam reqiyänan. Tsëkunaqa manam pakaräyantsu. Unëpitanam mëtsikaq familiakunata yanapashqa. ¿Mëqantaq kayan? Kë Familiakuna kushishqa kawakuyänampaq yanapakïkuna libruchömi tsëkunaqa këkan. Tsë “yanapakïkunaqa” familiachö pasanqan mëtsika problëmakunata imanö altsana kanqantam rikätsikun. ¿Piraq kanan witsankuna tsë yanapakïkunata wananmantsu?