6 KAQ YACHAKUNËKIPAQ

¿Imatataq yachakuntsik Diluviu kanqampita?

Teyta Diosqa mana alli nunakunata ushakätsirqanmi, peru Noëtawan familiantaqa salvarqanmi (Genesis 7:11, 12, 23).

Arcaqa yaku jananchömi këkan, mana alli nunakunaqa yakuchömi hundikëkäyan y mana alli angelkunanam nunanö cuerpunkunata dejarir ciëluta kutikäyan

Cuarenta junaq y cuarenta paqasmi yakupis Patsaman juntanqanyaq tamyarqan. Tsëchömi llapan mana alli nunakuna wanuyarqan o wañuyarqan.

Mana alli angelkunaqa nunanö cuerpunkunata dejarirmi, Diabluman qaqäyarqan. Pëkunaqa demoniukunam kayan.

Noë, familiankuna y animalkunam arcapita yarquykäyan, y juk turmanyëmi ciëluchö yurin

Arca rurinchö këkaqkunallam salvakuyarqan. Tiempuwanqa Noëwan familian wanuyarqanmi, peru Teyta Diosqa kawaritsimunqam y manana wanurmi kawakuyanqa.

Teyta Diosqa ichikllachönam yapë mana alli nunakunata ushakätsinqa y alli ruraq nunakunataqa salvanqam (Mateu 24:37-39).

Diabluwan demoniunkunaqa imëkata rurarmi nunakunata engañayan

Diabluwan demoniukunaqa imëkatam rurëkäyan nunakuna Jehoväta mana wiyakuyänampaq.

Kanan tiempupis Noëpa tiempunchönöllam nunakunaqa Jehovä Diosta wiyakuyta munayantsu. Ichikllanam pishin llapan mana alli nunakunata Teyta Jehovä ushakätsinampaq (2 Pëdru 2:5, 6).

Jehoväpa testïgunkunam Bibliawan juk nunata yachëkätsiyan; juk nunam Bibliata leyikan

Noënö alli nunakunaqa kanan tiempupis kanmi y Dios ninqantam cäsukuyan. Pëkunaqa Jehoväpa testïgunkunam kayan.