¿Religionniki alli kaqtsuraq?

Alläpa qeshyarnin operakïta ministinqëkiman pensari. Mas alli kaq y confiakunqëki doctortaraqchi ashinkiman, porqui kawënikiqa, pëpa makinchömi këkanman. Jina itsa maslla musyapakurinkiman operacion asuntuchö yachaq kanqanta o mana yachaq kanqantapis.

Religion asuntuchöpis tsënöllam pasan: alliraqmi musyapakunantsik. Religionniki kapushuptikiqa, tsëpitam kanqa Dioswan alli këniki y salvacionniki.

Jesusmi juk igualatsikïwan yachatsikurqan mëqan religion alli o mana alli kanqanta musyanapaq, kënömi nirqan: “Wayïninpitam reqintsic imano monti canqantapis” (Lücas 6:44). Këta maslla tantiyarishun, juk religionman pensëkur kënö tapukï, ¿imanötaq rurëninkuna? ¿Pushaqninkunaqa qellëtaku mas precisaqpaq churayan? ¿Qateqninkunaqa Biblia musyatsikunqannöku guërra asuntuchö y imanö portakïninkunachö rurayan? Tsëkunaman alleq pensarir, ¿kanku confiakïpaq juk alli religionllapis? Rikärishun.