¿YARPANKIKU?

¿Shumaq yachakurku leyirqunki tsëllaraq yarqamoq Täpakoq revistakunata? ¿Puëdinkimantsuraq kë tapukïkunata contestëta?

¿Imëtaq y imanötaq tsë ‘presurëkaq espïritukunata’ Jesus willarqan? (1 Pëd. 3:19, NM.)

Kawariramunqampita ichik tiempullatam, Jesusqa mana alli espïritukuna castïguta chaskiyänampaq kaqta willarqan (15/6, 23 kaq pägina).

¿Imëtaq Jesus juzgan “üshakunata” y ‘cabrakunata’? (Mat. 25:32.)

Jatun sufrimientu witsanchömi Jesus shamurnin llapan nunakunata juzganqa, llapan mana alli religionkuna ushakäriyaptin (15/7, 6 kaq pägina).

¿Imëraq waqayanqa y kirunkunatapis ruchuchütsiyanqa pasëpa piñakurnin mana alli cristiänukuna? (Mat. 13:36, 41, 42.)

Jatun sufrimientu witsanchömi, ushakäyänampaq kaqpita ni imanöpapis salvakïta mana puëdirnin (15/7, 13 kaq pägina).

¿Imëtaq cumplikan llapanchö wiyakoq y yachëwan sirweqpaq Jesus parlanqan? (Mat. 24:45-47.)

Manam 33 wata Pentecostes fiestachötsu cumplikarqan, sinöqa 1914 watapita patsëran. 1919 watachömi, Jesusqa llapanchö wiyakoq y yachëwan sirweqta churarirqan wayinchö kaqkunata rikäyänampaq (15/7, 21-23 kaq päginakuna).

¿Imëraqtaq Jesusqa churanqa llapanchö wiyakoq y yachëwan sirweqta llapan kapunqankunata rikänampaq?

Tsë cargumanqa churanqa jatun sufrimientu witsanchöraqmi, llapanchö wiyakoq y yachëwan sirweqkuna ciëluta ëwakuyaptinraq (15/7, 25 kaq pägina).

¿Imanöpataq 230 Jehoväpa testïgunkuna wanuyarqantsu Sachsenhausen nishqan campu de concentracionpita mälas apayaptin la marcha de la muerte nishqan viäjichö?

Jehovämi yanaparqan, y manam ni mëqan Testïgu juknin juknin kallpata qonakïta jaqiyarqantsu (15/8, 18 kaq pägina).

¿Imanötaq yanapamantsik Israelïtakuna Dios Awnikunqan Patsaman chäyänampaq Jordan mayuta tsimpayänqan?

Mayu mirashqa këkaptimpis, Jehoväqa janapita shamoq yakutam ëwëkanqanchö päraratsirqan, tsënöpam tsaki patsapa israelïtakunaqa tsimpariyarqan. Tsëta rikäyanqanqa mëraq Jehoväman mas markäkuyänampaq yanaparqan, y tsë willakïqa noqantsikpis tsënölla markäkunapaqmi yanapamantsik (15/9, 16 kaq pägina).

¿Imanötaq kanan witsan cumplikëkan Miquëas 5:5 textuchö mitsikoqkunapaq y pushakoqkunapaq parlanqan?

Miquëas 5:5 textuchö qanchis mitsikoqkunapaq y puwaq pushakoqkunapaq parlanqanqa, congregacionchö anciänukunam kayan, pëkunam Diospa markanta kallpata qoykäyan shamoq tiempuchö ushakätsita munayaptin alli tsarakuyänampaq (15/11, 20 kaq pägina).