Leyeqkuna tapukuyanqan

Mana casädu këkar juk wawqiwan juk pani juk wayillachö warashqa kayaptinqa, ¿jutsata rurashqa kayanqantaku rikätsikun? ¿Precisanku anciänukuna qayatsiyänan?

Awmi. Rakcha rurëkunata rurayashqa kayanqanta pruëbakuna cläru rikätsikuptinqa, anciänukunam patsätsiyänan qayatsiyänampaq (1 Cor. 6:18).

Congregacionnimpita anciänukunam alleq rikäyänan, qayatsiyänan precisanqanta o mana precisanqantapis. Tsëpaqqa kë tapukïkunatam contestayänan: ¿imanötaq tratanakuyaq? ¿Tsë asuntupaq consëjuta chaskiyarqannaku? ¿Imanirtaq tsë wayillachö waräyashqa? ¿Willanakuyarqanku juntu quedakuyänampaq? ¿Imarëkurpis ëwakïta mana puëdirku quedakurqan, y precisarqanku tsëchö quedakunan? (Ecl. 9:11). ¿Juk cuartullachöku punuyarqan? Manam llapan cäsutsu igual-lla kayan, tsëmi anciänukunaqa maskunataraq alleq rikäyänan.

Jutsata rurashqa kayanqanta o mana rurashqa kayanqanta rikätsikoq pruëbakunata alleq rikärirninmi, anciänukunaqa patsätsiyanqa qayatsiyänampaq o mana qayatsiyänampaq kaqtapis.