“Llapan cristiano mayintsikkunata kuyayë”
Kë tïtulochö qellqarëkaq palabrakunataqa 2000 watakunanam Dios qellqatsirqan (1 Ped. 2:17, NM). Tsënö kaptimpis, kanankunaqa imëpitapis masmi tsëta wiyakunantsik. Pero ¿imanöraq entero patsachö këkaq cristiänanö mayintsikkunataqa kuyashwan? Y kë mana kuyakoq mundochö këkarqa, ¿imataraq rurashwan kuyakïnintsik mana ushakänampaq? (Mat. 24:12.) Toda nuestra asociación de hermanos neq vidëota rikäri y qateqnin kaq tapukïkunapa respuestanta contestëta procurë.
1) ¿Imëtaq atskaq familiayoq tikrarirqantsik? 2) Entero patsachö cristiano mayintsikkuna, ¿ima kima rurëkunachötaq yanapakuyan? 3) Yachatsikuyänampaq decidido kayanqanta ¿imanötaq cristiano mayintsikkuna rikätsikuyan a) Alaskapa karu markankunachö, b) Euröpapa jatusaq puertonkunachö y c) Perüpa selvankunachö? 4) ¿Imanirtaq yachatsikï juk rurëkunanölla kanqanta pensashwantsu? 5) Jehoväpa testïgonkuna imanö shoqanakuyanqanta y yanapanakuyanqanta ejemplowan willakaramï a) terremoto kariptin, b) ushakätsikoq shukukï viento kariptin y c) nacionninkunachö guerra kaptin. 6) Llapan cristiano mayintsikkuna kuyakïnimpita reqishqa kayanqanta ¿ima rurëkunachötaq más rikätsikushwan? (Juan 13:35.) 7) Yachatsikuyänan Wayikunata rurëchö llapantsik yanapakushqaqa ¿ima allikunatataq tarishun? 8) ¿Imanötaq Europa orientalchö y Rusiachö cristiano mayintsikkuna Diospa kaqchö alli tsarakuyarqan yachatsikuyänanta y juntakäyänanta michäriyaptin? 9) ¿Imakunatataq atskaq Testïgonkuna rurayan jatun asamblëankunaman ëwayänanrëkur, y imanir? 10) ¿Imanötaq kë video yanapashurqunki a) cristiano mayikikunawan jukllëllanö Jehoväta sirwinëkipaq, b) necesidadpa pasayanqan witsan wakinkunata yanapanëkipaq c) mëchö tsëchö këkarpis yachatsikunëkipaq? 11) ¿Imanöraq kë vidëota utilizashwan yachatsikunqantsikchö pitapis yanapanapaq?
Jehoväta kuyanqantsikmi llapan cristiano mayintsikkunawan juk kastatanölla katsimantsik. Tsëmi Diosnintsikpita yachakï y nunakunata pëpita parlapë más gustamantsik. Jinamampis, Jehová kuyanqantam kuyantsik. Necesidadpa pasayanqan witsan yanapakunqantsikpitaqa manam Dios agradecimänata shuyarantsiktsu. Tsëpa rantinqa, juk kastanölla cristiano mayintsikkunawan junto kanqantsikpitam pëta agradecikuntsik. Cristiänokunaqa llapan cristiano mayintsikkunatam kuyëkäshunlla kë mana alli mundopa ushakënin chämunqanmannö.