“Jehoväpa alli munënin watata” willakushun

‘Jehoväpa alli munënin wataqa’ manam pensanqantsik watanötsu

61:1, 2

• Jehoväpa munënin wataqa, libri kayanampaq Jehovä äninqanta alli nunakuna chaskikuyänan tiempum.

• 29 wata Jesus yachatsikur qallanqan tiempum, ‘Jehoväpa munënin wataqa’ qallarqan y tsëqa apostolkuna kawayanqan witsanmi karqan, y Jerusalenta ushakätsiyanqan 70 watam usharqan “Diosnintsik vengakunan junaq”.

• Y tiempuntsikchöqa, 1914 wata Jesus mandakoq rey tikrariptinmi ‘Jehoväpa munënin wataqa’ qallashqa, y tsë Jehoväpa munënin wataqa alläpa jatun sufrimientu witsanmi ushanqa.

Jehoväqa ‘jatun alli plantakunawanmi’ markanta bendicin

61:3, 4

• Bosquichömi mas jatun kaq plantakunaqa juntu winayan, y juntu winarmi alli tsarakuyan.

• Tita y largu watsinkuna (matsunkuna) wankukanqanmi, yanapan shukukï vientukuna kaptimpis alli tsarakuyänampaq.

• Mas jatun kaq plantakunam tsëraq winëkaq plantakunata tsaparnin yanapayan, y patsaman höjankuna shikwarmi wanuman tikran.

Patsallachöraq këkaq ciëlupaq akrashqakunam, entëru Patsachö congregacionkunata imëka “jatun alli plantakuna” cuenta mana allikunapita tsaparnin yanapayan.