Alli yachatsikoq kë: Tapukïkunata alli utilicë

¿IMANIRTAQ PRECISAN? Nunakuna pensayanqanqa, imëka yaku rurinchö këkaqnömi. Tsëpita jorqaq cuentam, imata pensayanqanta musyanapaqqa tapukïkunata alleq utilizänantsik (Pr 20:5). Alleq pensëkur tapushqaqa, parlapëkanqantsik nunapis parlakaramunqam. Jina tsë tapukïkunaqa alläpam yanapamäshun. Jesusqa alleqmi tapukïkunata utilizarqan. ¿Imanötaq pënölla rurashwan?

¿IMANÖTAQ RURASHWAN?

• Pensanqanta musyarinëkipaq tapuri. Jesusqa qateqninkuna imata pensayanqanta musyanampaqmi, tukï tapukïkunata rurarqan (Mt 16:13-16; be-S päg. 238 pärrk. 3-5). Y qamqa, ¿ima tapukïkunatataq rurankiman imata pensayanqanta musyanëkipaq?

• Parlakamunampaq yanapakoq tapukïta rurë. Pantashqa këkanqanta Pëdru cuentata qokunampaqmi, Jesusqa yanapakoq tapukïkunata rurarirqan (Mt 17:24-26). Pillapis pantashqa këkanqanta cuentata qokunampaqqa, ¿ima tapukïkunatataq rurarinkiman?

• Felicitäri parlakaramunqampita. Jesusqa Leyta qellqaq nunatam felicitarqan ‘alleq pensëkur contestanqampita’ (Mr 12:34). ¿Imataraq rurankiman tapunqëkita pipis contestaramuptin?

CRISTU QALLANQANTA RURAR SÏGUISHUN: YACHATSIKUR NEQ VIDEUTA RIKÄRIR, KË TAPUKÏKUNATA CONTESTARIYË:

• Allita yachëkatsirpis, ¿imachötaq kë wawqiqa pantashqa?

• ¿Imanirtaq precisan shumaq y entiendipaqnölla yachatsinantsik?

KË VIDEUPA QATEQNIN KAQTA RIKÄRIR, KË TAPUKÏKUNATA CONTESTARIYË:

• ¿Imanirtaq nishwan tsë wawqiqa tapukïkunata alli utilizanqanta?

• Kë wawqi imanö yachatsikunqampitaqa, ¿imatataq yachakushwan?