Creikoq mayintsikkunapaqpis Jesusqa wanurqanmi

Jutsasapa nunakunapaqmi Jesusqa wanurqan (Ro 5:8). Tsënö kuyakoq kanqampitam llapantsik alläpa agradecikuntsik. Peru ama qonqashuntsu noqantsiknö jutsasapa creikoq mayintsikkunapaqpis Jesusqa wanunqanta. ¿Imanötaq rikätsikushwan Jesusnölla creikoq mayintsikkunata kuyanqantsikta? Puntataqa, tukïläya costumbriyoq këkäyaptimpis pëkunawan amïgu këtam procuranantsik (Ro 15:7; 2Co 6:12, 13). Jinamampis manam parlakïnintsikwan ni rurënintsikwan wakinkunata llakitsinantsiktsu (Ro 14:13-15). Y manam ofendimaqnintsik kaqkunawanqa unëpa piñashqalla kakunantsiktsu (Lü 17:3, 4; 23:34). Jesus ruranqannölla ruranapaq kallpachakushqaqa, congregacionchö shumaq kawakunapaq y unïdu kanapaqmi Jehovä bendicimäshun.

¡MAS YACHANËPAQ KËTA PROCURË! NEQ VIDËUTA RIKÄRIR, KË TAPUKÏKUNATA CONTESTARIYË:

• 

  ¿Imatataq Mikiqa chärirninlla pensarqan congregacionninchö këkaqkunapaq?

• 

  ¿Imataq yanaparqan manana tsënö pensanampaq?

• 

  Jesusman pensanqanqa, ¿imanötaq Mikita yanaparqan? (Mr 14:38).

• 

  ¿Imanötaq Proverbius 19:11 textu yanapamantsik cristiänu mayintsikkunata mana allipa mana rikänapaq?