‘Cuerpuntsikchö kasha’ niraq kaptimpis Jehoväta sirwir sïguishun

Ushanan junaqkunachö kawarninmi, Diospa sirweqninkunaqa alläpa mana allikunapa pasantsik, y tsëqa kasha niraqmi kayan (2Ti 3:1). ¿Imanötaq Jehoväman markäkunqantsikta rikätsikushwan y mana allikunapa pasarpis alli tsarakushwan? “Wiskukunapa nawinkunapis kichakärinqam” neq videuchömi, Talïta Alnashiwan teytankuna rurayanqanta rikäshun. Tsë videuta rikärir, kë tapukïkunata contestariyë:

• ¿Imataq Talïtataqa “kasha” cuenta sufritsirqan?

• ¿Bibliachö këkaq Diospa mëqan änikïninkunataq Talïtatawan teytankunata yanapashqa?

• Talïtata operayanqan witsanqa, ¿imanötaq Jehoväman confiakuyanqanta teytankuna rikätsikuyarqan?

• Diospa markan jorqamunqankunawan, ¿imanötaq Talïtata teytankuna yachatsiyarqan Jehoväta kuyanampaq?

• Rikëta mana puëdinqan “kasha” cuenta kaptimpis, ¿imanötaq Talïtaqa rikätsikun Jehoväta cada junaq mas kuyanqanta?

• ¿Imata ruranëkipaqtaq Talïta ruranqanqa yanapashunki?