Noviembri killachömi Diospa Gobiernumpita më tsëchö yachatsikushun

Jesusqa, ‘Diospa Gobiernumpitam’ nunakunata yachatsirqan y tsënö noqantsikpis yachatsikunantsiktam munan (Lü 4:43; Mt 6:9, 10). Tsëmi kë noviembri killachöqa Diospa Gobiernumpita më tsëchö yachatsikushun (Mt 24:14). Tsëchö yanapakunapaqqa tiempuntsikta shumaq patsätsipakushun. Y wakinkunaqa precursor auxiliar këtam puëdiyanqa 30 o 50 hörakunapa yachatsikurnin.

Tsë killachö yachatsikoq ëwarninqa, Diospa Gobiernumpita pï më nunakunata yachatsinëkipaq kallpachakuy. Nunakunata Bibliata leyiparninqa imaman creiyanqanta cuentaman churë y yachatsinqëki nuna maslla yachakuyta munaptinqa qarari 2020 wata nüm. 2 kaq Täpakoq revistata (nunakunata yachatsinapaq kaqta). Tsëpitaqa raslla watukaq kutirï y yachatsikunapaq dispunishqa mëqan publicacionllawampis yachatsir qallë. Ichikllachönam Jehoväqa mana alli gobiernukunata ushakäratsimunqa (Da 2:44; 1Co 15:24, 25). Tsëmi, llapan puëdinqantsikmannö kë killachö yachatsikunapaq kallpachakushun.