Wakinkunata animanëkipaq kallpachakuy

Llapantsikpis wawqintsikkunawan y panintsikkunawan animanakunapaqqa juntum këta munantsik. Bibliachöpis “Diospa kaqchö mas alli” kanapaq juknintsik juknintsik animanakunapaqmi nimantsik (Rom. 1:11, 12). Peru ¿ima mastataq rurankiman jukkunata animanëkipaq?

Parlakunqëkiwan animë. Këkunaman pensarishun: reunionchö parlakurqa, alläpa yachanqëkipita o pasashunqëkipita parlakunëkipa rantin, Jehoväpita, sirweqninkunapita y Palabran Bibliapita yachakunqëkitam masqa parlakunëki. Y wawqi panintsikkunawan parlakurninqa Jehoväta sirwir sïguiyänampaqmi animanëki.

Decidinqëkiwan y ruranqëkiwan animë. Këkunaman pensarishun: capazchi qampis mëtsikaq wawqi panikunanölla, mana allikunapa pasëkarpis llapan tiempuykiwan Jehoväta sirwir sïguikanki. O capaz qeshyapäkuykar o trabäjupita utishqa yarquykarpis reunionkunaman mana faltëpa ëwëkanki.

Ruranqëkiwan y ninqëkiwan, ¿wakinkunata animëkankiku? Wawqi panikuna niyanqankunapita y rurayanqankunapita, ¿qampis yachakuykankiku?