Bibliata leyirqa, ¿imatataq rurankiman pasakunqankunata rikëkaq cuenta kanëkipaq?

Bibliata leyirqa, unë pasakunqankunapitam imëkata yachakuyta puëdintsik. Peru mas alli yachakunapaqqa leyinqantsik höram pasakunqankunata rikëkaq cuenta kanantsik. ¿Imanötan rurashwan? Yachakurishun.

• Bibliata fuertipa leyi. Tsënö leyirmi pasakunqankunata rikëkaq cuenta kanki. Y familiëkiwan juntu leyirqa, cada ünu rakipänakuyë pikuna parlayanqanta leyiyänëkipaq.

• Imakunapa pasëkäyanqanman pensë. Bibliata leyirqa pensë, tsë nuna imata pensëkanqanman y imanö sientikunqanman. Kënö pensë: “¿Imanirtan kë nunaqa tsëta ruran o tsënö parlan? ¿Pëtanö pasamaptinqa imataraq ruräman? Y noqaqa, ¿imanöraq sientiküman?”.

• Entiendinqëkita dibujë. Dibujëta alläpa mana yachashqapis, entiendinqantsikta dibujëqa yanapamäshun maslla entiendinapaq y yachakunqantsikta mana qonqanapaqmi.