Espïritukunaqa mëtsikaqmi kayan

Bibliachöqa nimantsik espïritukunaqa mëtsikaq kayanqantam, y Jehoväpis espïritum (Juan 4:24; 2 Corintius 3:17, 18).

Juk tiempuqa ciëluchö y Patsachöpis Jehovällam kawarqan. Tsëpitanam nunakunapita mas puëdeq y mas yachaq, angel nir reqinqantsik espïritukunata kamarqan. Jehoväqa mëtsika angelkunatam kamarqan. Sirweqnin Danielmi suëñuyninchö rikarqan cien millon angelkunata (Daniel 7:10; Hebrëus 1:7).

Manaraq Patsata kamarmi, Diosqa angelkunata kamarqan (Job 38:4-7). Manam mëqampis Patsachö kawaq ni wanoq nunakunatsu kayan.