Lección 11
Diosta mana gustanqan costumbrekuna y creenciakuna
¿Ima costumbrekunaraq, creenciakunaraq mana alli kayan? (1)
¿Kima Dios hukllellacho kanqantatsuraq cristianokuna creiyanman? (2)
¿Imanir-raq cristianokuna celebrayantsu Navidadta ni Semana Santata ni cumpleañokunata? (3, 4)
¿Wanushqakuna mana allikunata rurayanmantsuraq kawëkaqkunata? (5)
¿Cruzchotsuraq wanorqan Jesús? (6)
¿Nunakunapitapis masqa, pitaraq kushitsishwan? (7)
1. Manam llapan costumbrekunatsu ni creenciakunatsu mana alli kayan. Pero Diosqa manam gustantsu, uli religionkunapita kayaptenqa, mana Biblia nenqanno yachatsikuyaptenqa (Mateo 15:6).
2. Trinidad: Trinidad ninanqa, kimaq Dios hukllellacho ninanmi, ¿huk Trinidadtsuraq Jehová? Manam. Teyta Jehovaqa, “hapallan razompa kaq Diosmi” (Juan 17:3; Marcos 12:29). Jesusqa llapampa puntan kaq Tsurinmi, Teytan nenqantam pëqa ruran (1 Corintios 11:3). Teytaqa Tsurimpa mayorninmi (Juan 14:28). Espíritu santoqa manam huk Diostsu, Diospa kallpanmi (Génesis 1:2; Hechos 2:18).
3. Navidad, Semana Santa: Jesusqa manam 25 de diciembrechotsu yurishqa, 1 de octubre witsanchönomi, mitsikoqkunapis ampipash animalninkunata täpakikayanaq hayaqcho (Lucas 2:8-12). Jesusqa manam ni imepis cristianokunata nerqantsu, yurikïninta celebrayänampaq. Pëqa wanushqanta yarpayänanllapaqmi nerqan (Lucas 22:19, 20). Üne falsa religionkunapitam shamun tse Navidadqa llapan costumbrenkunawan. Tsenomi hina Semana Santa costumbrepis, procesionninkunawan wetankunawan, etc. Üne cristianokunapis manam celebrayarqatsu Navidadta ni Semana Santata, kanan tiempopis manam razompa cristianokunaqa celebrayantsu kekunata.
4. Cumpleaños: Bibliachoqa ishke cumpleañosllapaqmi parlan, tse celebraqkunaqa manam Jehová adoraqtsu kayarqan (Génesis 40:20-22; Marcos 6:21, 22, 24-27). Üne cristianokunaqa manam cumpleañokunata celebrayarqatsu. Tse costumbrekunaqa shamun üne falsa religionkunapitam. Razompa cristianokunaqa ime hunaqpis qaranakuyanmi, shumaq ellunakurmi kushikuriyan.
5. Wanushqakunata mantse: Wanushqakunaqa manam ni imata rurayantsu ni imata mäkuyannatsu. Noqantsikqa manam yanapeta puedentsiktsu ni pekuna imanamantsiknatsu (Salmo 146:4; Eclesiastés 9:5, 10). Almaqa wanunmi, manam wanurirnin kawekantsu (Ezequiel 18:4). Horanam mana alli angelkuna, demonio shutiyoq, wanushqakunarikoq yuripumantsik. Wanushqakuna mantse o adore costumbrekunaqa, manam allitsu (Isaías 8:19).
6. Cruz: Jesusqa manam wanushqa huk cruzchotsu, pëqa wanushqa huk poste o qeruchomi. Griegopita “cruz” nishpa traduciyämonqanqa parlan huk qerullapaqmi, manam ishke cruzanakushqa qerupaqtsu. Cruzqa shamun üne falsa religionkunapitam. Üne cristianokunapis manam inshiyarqatsu ni adorayarqatsu cruztaqa. Tsepenqa, ¿allitsuraq cruzta inshishwan adoracionnintsikcho? (Deuteronomio 7:26; 1 Corintios 10:14.)
7. Quizasmi allapa sasa kanman tse creenciakuna, costumbrekuna haqiqa. Kayanmanmi kastekikuna o amiguikikuna creenciekikunata mana haqinekita munar willapayäshoqnikikuna. Pero Dios kushitsim más alli, nunakuna kushitsipitapis (Proverbios 29:25; Mateo 10:36, 37).
[22 kaq päginachö fötu]
Diosqa manam Trinidadtsu
[23 kaq päginachö fötu]
Navidadpis, Semana Santapis shamun üne falsa religionkunapitam
[23 kaq päginachö fötu]
Manam ni imanir mantsashwantsu ni adorashwantsu wanushqakunata