Lección 12
Respetashun kawetapis yawartapis
¿Imanöraq kaweta rikashwan? (1) ¿Y abortota? (1)
¿Imanotaq rikarätsiyan cristianokuna alli kayänampaq yarparäyanqanta? (2)
¿Mana allitsuraq animalkuna wanutsi? (3)
¿Ima rurëkunaraq rikarätsin kawenintsikta mana respetanqantsikta? (4)
¿Imaraq nin Diospa leynin, yawarpaq? (5)
¿Tse leyqa yawarta churakipaqwantsuraq? (6)
1. Jehovapitam kawënintsik shamun. Diosrekurmi kawantsik (Salmo 36:9). Kaweqa allapa sagradom Diospaq. Manaraq mamampa pachampeq yureq wamrapa kawënimpis, Jehovapaqqa allapa valeqmi. Diospaqqa allapa hutsam ardepa tse formakekaq criaturata wanutsipis (Éxodo 21:22, 23; Salmo 127:3).
2. Razompa cristianokunaqa yarparäyanmi alli kayänampaq. Tsemi tïrayan carronkunapis, wayinkunapis mana ni pita peligroman churananta (Deuteronomio 22:8). Diospa nunankunaqa manam ardepa kaweninkunata peligroman churayantsu, kushikuyänanrekurlla. Tsemi mana pukllayantsu lluta maqanakikunata, wakin nunakunawan dañanakurnin. Witikuyanmi mana alli kushikikunapita (Salmo 11:5; Juan 13:35).
3. Teyta Kamakoqpaqqa animalkunapa kaweninkunapis sagradom. Huk cristianoqa animalkunata wanutsinman mikunampaq, vestikunampaq, ima qeshyankunatapis mana muyanampaq, ima peligrokunapitapis tsapäkunampaq (Génesis 3:21; 9:3; Éxodo 21:28). Mana alliqa pukllakunacho kushikuyänanrekur, animalkuna hipatsi o wanutsim (Proverbios 12:10).
4. Cristianokuna manam kushikita ashir fumayantsu ni cocatapis chaqchayantsu ni drogakunatapis inshiyantsu. Kë rurëkunaqa manam allitsu 1) viciosom tikrayan nunakuna, 2) cuerpontam dañan y 3) rakcham kayan (Romanos 6:19; 12:1; 2 Corintios 7:1). Tse mana alli rurëkunata haqiqa allapa sasam kanman, pero Jehovata kushitsita munarqa haqinantsikmi mana alli rurëkunata.
5. Yawarpis Diospa nawimpaqqa allapa sagradom. Tsemi Pëqa nin, almaqa o kaweqa yawarchomi. Tsemi yawar mikïqa allapa mana alli. Hina tseno mana allillam mana yawarnin yarqushqa animalpa etsan mikïpis. Huk animal hurkakepa o trampacho wanushqa kaptenqa manam mikushwantsu. Illapawan wanutsishqa animalkunataqa, hinallachomi yawarninta horqayanman mikuyänampaq kaptenqa (Génesis 9:3, 4; Levítico 17:13, 14; Hechos 15:28, 29).
6. ¿Yawarta churakushwantsuraq? Yärpe Jehovaqa manam yawar inshinata munantsu. Manam ni imanopa churakushwantsu cuerpontsikman, huk nunapa yawarninta, ni kikintsikpatapis churarashqataqa (Hechos 21:25). Razompa cristianokunaqa manam munayantsu yawar churakita. Pero huklaya hampikunataqa chaskikuyanmi, pekunaqa munayanmi mana yawaryoq hampikuna churakita. Kawetaqa munayanmi, pero manam kaweninkunata salveta tïrayantsu Diospa leynin hanampaqa (Mateo 16:25).
[25 kaq päginachö fötukuna]
Diosta kushitsinapaqqa, manam yawarta churakushwantsu, ni mana alli viciokunawan rakchatäkushwantsu, ni ardepa kawenintsikta peligroman churashwantsu