¡Kushishqam kayan ankupäkoqkuna!

1. Ankupäkoqqa kushinmi,

Shumaqmi kayan Diospaqqa.

Alli kuyaq kaqta willë,

Ankupäkoqtam Dios kuyan.

Jesuswan ankupäkurqan

Salvamänapaq kachamur.

Manshutaqa ankupanmi

Llakikoq kanqanta musyar.

2. Diospa kuyënintam chaskin,

Kushishqanam kawakuyan.

Cristu reynamunqampitam,

Kuyakïninta chaskiyan.

Tsëtam musyatsikuyanqa

Llapanta yachatseq ëwar.

“Sinchikuyë – nikäyanmi –

Mandakïnin këllachönam.”

3. Jehová kuyamanqantsiktam

Manshukuna rikäyanqa.

Kuyakïnintam musyayan,

Tsëtam rikätsikuyanqa.

Llakipäkoq kanantsikpaq,

Imëpis sinchikïkäshun.

Dioswan Cristum llakipäkoq,

Tsëtam yachatsimarquntsik.