¿Pitan Diosqa?

Llapanta Gobernaq Poderösu Diosqa Jehovällam (Salmus 83:18). Teyta Diosqa juk espïritum, tsëmi rikëta puëdintsiktsu. Pëqa alläpam kuyamantsik y pëtapis kuyanatam munan. Y nuna mayintsiktapis kuyanantsiktam munan (Mateu 22:35-40). Teyta Dios llapanta kamashqa kaptinmi, pëpita mas puëdeqqa ni pï kantsu.

Imatapis manaraq rurarmi Diosqa juk puëdeq angelta kamarqan. Tsë angeltaqa Jesucristu nirmi reqintsik. Tsëpitanam mas angelkunata Teyta Dios kamarqan.

Jehovä Diosmi ciëluchö llapan kaqkunata kamashqa... y Patsachö llapan kaqkunatapis (Apocalipsis 4:11).

Jehovä Diosmi estrëllakunata, Patsata y Patsachö llapan kaqkunata kamashqa (Genesis 1:1).

Puntataqa Adan jutiyoq nunatam allpapita rurarqan (Genesis 2:7).