153
Diosta alabarmi kushishqa sientikü
¿Dios ninqanta rurar
imatataq sientinki,
Jehoväta reqinampaq
pitapis yanapar?
¿Yachatsikoq yarqur
imatataq sientinki,
Kallpanwan Jehovä qamta
yanapashuptiki?
(CÖRU)
Jehovä Diosta alabarnin
alläpa allim sientikü.
¡Tsërëkurmi yachatsikoq
imëpis yarqushaq!
¿Shumaq wiyakuptin
imatataq sientinki,
Yachatsir y yanapar
cäsukoq nunata?
Wakinqa paqwëmi
wiyëta munayantsu,
Tsënö pasakuptimpis
yachatsikuntsikllam.
(CÖRU)
Jehovä Diosta alabarnin
alläpa allim sientikü.
¡Tsërëkurmi yachatsikoq
imëpis yarqushaq!
¿Yachatsikïninta
musyatsikunëkipaq,
Imatataq sientinki
Jehovä qamwan kaptin?
Llapan shonquntsikwan
Diosta sirwinapaqmi,
kallpachakur sïguintsik
ushakë junaqchö.
(CÖRU)
Jehovä Diosta alabarnin
alläpa allim sientikü.
¡Tsërëkurmi yachatsikoq
imëpis yarqushaq!
(Kë textukunatapis rikäri Hëch. 13:48; 1 Tes. 2:4; 1 Tim. 1:11.)