Jehovä kamanqëkikunaqa alläpa shumaqmi

1. Jehovä, qamqa rikëkämankim,

punukuptï y sharikuptïpis.

Musyëkankim imata pensanqäta,

parlanqäta y mëchö

purinqätapis.

Jehovä, qamqa rikämarqëkim

mamänïpa pachanchö këkaptï.

Kuyakoq karmi kawëta

qomanki, tsëmi jutikita

kushishqa alabä.

Kamanqëkim alläpa shumaq kallan,

shonqümi tsëta rikar kushikun.

Oqrakashqa purikaptïmi qamqa

alli kaq nänipa pushamanki.

Qamqa llapantam rikëkanki.

¿Mëchöraq qampita rataküman?

Ni ciëluchö ni Patsachöpis

manam ratakïtaqa

puëdillämantsu Jehovä.