55 KAQ CANCION
¡Ama mantsashunnatsu!
1. Jehoväpa Gobiernumpita
mana mantsakushpana,
më tsëpa yachatsikur
llapantsik purikäshun.
Jesucristum ciëlupita
Diabluta qarqamushqa,
ichikllachönam waranqa
watapa llawirkunqa.
(CÖRU)
Jehovämi cuidëkämantsik,
nawi niñanmi kantsik.
Ni nunata ni imata
ama mantsashunnatsu.
2. Diosmi kallpata qomantsik
alli tsarakunapaq.
Chikimaqnintsiktaqa
ama mantsashunnatsu.
Tukïnöpam munëkäyan
engañamënintsikta,
tsëmi alläpa precisan
alli tsarakunantsik.
(CÖRU)
Jehovämi cuidëkämantsik,
nawi niñanmi kantsik.
Ni nunata ni imata
ama mantsashunnatsu.
3. Jehoväqa läduntsikchömi
këkan, mantsakäshuntsu.
Përëkur wanushqaqa,
kawariramushunmi.
Chikikoqta mantsashuntsu,
Jehovämi cuidamäshun.
Pëllata mana jaqipa
llapantsik sirwikäshun.
(CÖRU)
Jehovämi cuidëkämantsik,
nawi niñanmi kantsik.
Ni nunata ni imata
ama mantsashunnatsu.
(Kë textukunatapis rikäri: Deut. 32:10; Neh. 4:14; Sal. 59:1; 83:2, 3).