“Ama ëllukëta jaqishuntsu”

1. Mana alli tiempuchömi kawantsik,

Diosta manam reqiyantsu.

Tsëmi Jehovä yanapamänantsikta

kanan witsanqa wanantsik.

Reunionkunaqa yanapallämantsik

maslla markäkunapaqmi.

Alli kaqkunata ruranapaqmi,

ëllukarnin yachakuntsik.

Jina yanapamantsik, Jehovä Diosta

maslla kuyanantsikpaqmi.

Jehovä munanqanta ruranapaqmi

yachakur sïguikänantsik.

2. Jehoväqa alleqmi musyan imata

necesitanqantsiktapis.

Reunionkunachömi Jehoväpa shumaq

consëjunta wiyakuntsik.

Höraqa imëkata jaqirirmi,

reunionkunaman ëwantsik.

Tsëta rurarninqa, rikätsikuntsik

Jehoväta kuyanqantsiktam.

Alleq tsarakunapaqmi imëpis

ëllukar sïguikänantsik.

Mana jaqipam reunionkunamanqa

llapantsik ëwëkänantsik.