92 KAQ CANCION
Jehovä, kë wayiqa jutikitam apan
1. Jehovä, qampaqmi kë wayiqa,
kushishqam ruralläyarqö.
Alabashqa kanëkipaqmi,
kë wayiqa rurakashqa.
Jehovä, qampa kallpëkiwanmi
llapantapis rurayarqö.
Kushishqam qampaq imëkata
rurayä kuyashqa Teyta.
(CÖRU)
Jehovä Diosllä, kë wayiqa
jutillëkitam apan.
Qampaqmi kë wayitaqa
rurayarqö Teytallä.
2. Teytalläkuna, kë wayiqa
qampa jutikitam apan.
Qampita yachakoqmi këman
shayämurqö, Teyta Jehovä.
Shumaqmi wayillëkitaqa
llapäkuna cuidayäshaq.
Shumaqta rikarmi wakimpis
qamta alabayäshunki.
(CÖRU)
Jehovä Diosllä, kë wayiqa
jutillëkitam apan.
Qampaqmi kë wayitaqa
rurayarqö Teytallä.
(Kë textukunatapis rikäri: 1 Rëy. 8:18, 27; 1 Crön. 29:11-14; Hëch. 20:24).