136 KAQ CANCION
Jehovä bendicïkushï
(Rut 2:12)
1. Teytantsik Jehoväqa alleqmi musyan
pëllata kuyanqantsikta.
Pëqa musyanmi sirwinantsikrëkur
llapanta jaqinqantsikta.
Wayita, amïguta, familiata
jaqir llakikunqantsikta.
Tsëmi markanchö qomantsik kastantsik
y alli kawakïtapis.
(CÖRU)
Kuyakoq Jehovä bendicïkushï
llapan ruranqëkikunapita.
Pëllam llapanchö cuidashunki.
Jehovällam rasumpa mana jaqikoq.
2. Höraqa imëka problëmakunam
weqita ramatsimantsik.
Cada junaqmi llakikï pishintsu,
kallpäpis ushakärinnam.
Shonqulläpa yarpachakïnintaqa
qamllam Teyta musyëkanki.
Kallpëkiwan Teyta yanapëkamë,
mañakïnïta wiyëkï.
(CÖRU)
Kuyakoq Jehovä bendicïkushï
llapan ruranqëkikunapita.
Pëllam llapanchö cuidashunki.
Jehovällam rasumpa mana jaqikoq.
(Kë textukunatapis rikäri: Juëc. 11:38-40; Is. 41:10).