16 KAQ YACHATSIKÏ
Animë y yanapë
Job 16:5
KËPAQMI PARLAN: Wiyëkaqkunata animanëkipaq y problëmakunata imanö altsayänampaq kaqta rikätsikunëkipaq kallpachakï.
¿IMANÖTAQ RURASHWAN?
Ama wiyëkaqkunapaq mana allita pensëtsu. Pëkunaqa Jehovätam kushitsita munayan, tsëpitam següru kanëki. Y imatapis manaraq consejarmi, puntataqa shonqupita patsë animanëki.
Ama mana alli kaqkunallataqa willakïtsu. Yachatsikurninqa, animakoq y yanapakoq kaqkunapitam masqa parlanëki.
Diospa Palabranta alli utilicë. Jehovä imakunata ruranqanta, kanan witsan rurëkanqanta y shamoq tiempuchö ruranampaq kaqtam masqa rikätsikunëki. Valorta tsariyänampaq y shamoq tiempuman yarparäyänampaq yanapë.