17 KAQ YACHATSIKÏ

Entiendipaqtanölla parlë

1 Corintius 14:9

KËPAQMI PARLAN: Wiyëkaqkunatam ninqëkikunata shumaq entienditsinëki.

Alli preparakï. Yachatsikunëkipaq kaqtam alli estudianëki entiendipaqtanölla y fäcil-lla yachatsikunëkipaq.
Fäcil entiendipaqtanölla parlë, ama alläpaqa. Precisaq yachatsikïkunata willakunëkipaqqa, manam alläpatsu parlanëki.

Maskunata parlaptikiqa, wiyëkaqkunam entiendiyäshunkitsu. Y sasa o aja entiendinan palabrakunataqa ama alläpaqa parlëtsu. Sinöqa fäcil entiendiyänampaqmi shumaqlla y alläpa mana parlarlla entienditsikunëki.
Mana entiendiyanqan palabrakunata shumaq entienditsikï. Mana entiendiyanqan kaqkunataqa ama alläpaqa parlëtsu. Tsënö kaqkunata willakur, Biblia willakunqan nunakunapita parlar, imatapis pesayänampaq o mediyänampaq unë palabrakunata parlar o tsë witsan costumbrikunapita willakurqa, shumaqmi entienditsikunëki.