PARLAPAR QALLANËKIPAQ
6 KAQ YACHAKUNËKIPAQ
Valienti kë
Bibliachö kënö ninqanman pensë: “Alli noticiankunata willayänaqpaqmi, Teyta Dios yanapayämaptin kallpayoq tikrayarqä” (1 Tes. 2:2).
¿Imatataq Jesus rurarqan?
1. VIDEUTA rikë o Lücas 19:1 a 7 ninqanta leyi. Tsëpitana këkunaman pensë:
¿Imanir-raq wakin nunakunaqa Zaqueuwan juntakuyta munayarqantsu?
¿Imanirtan Jesusqa alli noticiakunapita parlaparqan?
¿Imatataq yachakuntsik Jesus ruranqampita?
2. Llapan nunakunata alli noticiakunata willanapaqqa valientim kanantsik.
Jesus ruranqannö rurë
3. Jehoväman confiakuy. Teyta Dios santu espïritunwan yanapaptinmi Jesusqa alli noticiakunata willakurqan. Tsënöllam Teyta Diosqa qamtapis yanapashunki (Mat. 10:19, 20; Lüc. 4:18). Pitapis mantsarqa, valienti kanëkipaq y parlapëta puëdinëkipaq Jehoväman mañakuy (Hëch. 4:29).
4. Llapan nunakunata igualpa rikë. Höraqa mantsëpaqnö kayaptin, qellëyoq kayaptin, reqishqa kayaptin, imanö kawayanqanta musyar o ima religionpita kayanqanta musyarmi, wakin nunakunataqa parlapëta mantsantsik. Peru këkunaman yarpë:
Jehoväwan Jesus nunakunapa shonqunta rikëta puëdiyaptimpis noqantsikqa manam puëdintsiktsu.
Jehovä yanapëta mana puëdinqantaqa manam pensanantsiktsu.
5. Valienti karpis alli juiciuyoq kë (Mat. 10:16). Respetakoq kë y ama piwampis discutitsu. Pï nunapis mana wiyakuyta munaptin o parlapar sïguita mantsarqa, shumaq despidikur ëwakuy (Prov. 17:14).