6. Hinantin patsachö yachatsiki
“Llapan nunacunata[m] alli willaquinïta willayänequi presisan.” (MATEO 24:14.)
● Vaiatea shutiyoq warmim Pacífico lamarpa huk islanchö täran. Tsë sitiochöqa casi 80 islakunam kan, y 16 waranqa nunakunallam täräyan, tsënö këkaptimpis Vaiateata y vecïnonkunataqa Jehoväpa testïgonkuna visitayashqam. ¿Imanirtaq tsë karu markakunayaqqa chäyashqa? Mëchö täräyaptimpis llapan nunakunata Diospa gobiernompita yachatsita munarmi.
¿IMATATAQ RIKÄTSIKUN PASAKUNQANKUNA? Diospa Gobiernompita willakïqa më tsë markakunamanmi chëkan. 2010 watachömi Testïgokunaqa, 1.600 millón hörakuna yachatsikuyarqan 236 nacionkunachö, tsë ninanqa, cada Testïgom 30 minutokuna huk hunaqchö yachatsikurqan. Pasaq chunka watakunachömi rurayarqan y qarakuyarqan 20.000 millones Bibliapita parlaq publicacionkunata.
WAKINKUNA NIYANQAN. Atska waranqa watakunapanam Bibliapitaqa yachatsikïkäyan.
¿RASUMPAKU NIYANQAN? Awmi, atskaq nunakunam Biblia ninqampitaqa yachatsikïta tïrayashqa. Tsënö kaptimpis, huk tiempollapa y huk ishkë markakunallachömi yachatsikuyashqa. Pero Jehoväpa testïgonkunaqa hinantin Patsapa y atska pachak millón nunakunatam yachëkätsiyan. Hina tsëtaqa rurëkäyan puëdeq y mana ankupäkoq chikeqninkuna michëkäyaptinmi (Marcos 13:13).a Hinamampis Testïgokunaqa wayin wayin yachatsikuyänampaq y publicacionkunata qarakuyänampaq tiemponkunata rakiyanqampitaqa manam cobrakuyantsu. Gastokuna rurayanqantaqa pagakuyan congregacionninkunachö ëkallatapis qoyanqanwanmi.
¿IMA NINKITAQ? ¿Hinantin Patsapaku ‘alli willaquita’ willakïkäyan? Kë profecía cumplikëkanqan, ¿shamoq tiempochö más alli kawakï kanampaq kaqtatsuraq rikätsikïkan?
[Päginapa ura kuchunchö willakï]
a Testïgokunapita masta musyëta munarqa, rikäri Fieles ante las pruebas, Los triángulos púrpuras y Los testigos de Jehová se mantienen firmes ante el ataque nazi nishqan vidëokunata, kë vidëokunataqa Jehoväpa testïgonkunam rurayämun.
[9 kaq päginachö ninqan]
“Jehová yanapamanqantsikyaqqa, kushishqam pëpa Gobiernompita yachatsikïkäshun, tukïnöpa llapan nunakunaman chëta tïrarnin.” (ANUARIO DE LOS TESTIGOS DE JEHOVÁ 2010)