BIBLIAPITA TAPUKÏKUNA
¿Imanirtaq Patsachö yamë kawakï kantsu?
Nunakunapa shonqunkunata cambiëta puëdeq Gobiernullam entëru Patsachö yamë kawakïta apamunqa
Yamë kawakï imanir mana kanqantam Bibliaqa rikätsikun. Puntataqa, nunakuna imëka allikunata rurashqa karnimpis, manam kikinkunallaqa kawëninkunata dirigita puëdiyantsu. Juknam, ‘que munducho Diospa mana caqcunaqa diablupa munenincho’ kakïkäyan. Tsënöpam nunakunaqa yamë kawakïta tariyashqatsu. (Leyi Jeremïas 10:23 y 1 Juan 5:19.)
Kikinkunallapaq imëkata asheq y mas kapoqyoq këta munayanqanmi permitishqatsu yamë kawakï kanampaqqa. Tsë kanampaqqa entëru Patsachö juk gobernaqmi pishin, tsënöpa nunakunata alli kaqta yachatsinampaq y wakinkunawan kuyanakuyänampaq. (Leyi Isaïas 32:17 y 48:18, 22.)
¿Piraq alli kawakïta kë Patsaman apamunqa?
Llapanta Puëdeq Diosmi awnikushqa mëtsikaq gobiernukunapa rantin juk gobiernulla kanampaq (Daniel 2:44). Tsë gobiernuchö mandakoqqa kanqa Diospa wamran Jesusmi, Bibliaqa qayan “Alli Pasakïchö Kawakïta Apamoq Principi” nishpam. Pëmi mana allikunata ushakätsinqa y nunakunatam yachatsinqa yamë kawakuyänampaq. (Leyi Isaïas 9:6, 7 y 11:4, 9.)
Kanan witsankunaqa mëtsikaq nunakunam Jesuspa y Bibliapa yanapakïninwan yachatsikïkäyan nuna mayinkunawan yamë kawakuyänampaq. Ichikllachönam alli kawakïqa rasumpa cumplikanqa. (Leyi Isaïas 2:3, 4 y 54:13.)