¿Imatataq Biblia yachatsikun?

¿Pitaq o imataq Diabluqa?

¿DIABLUQA . . .

• . . . juk espïrituku?

• . . . shonquntsikchö mana alli munëllaku?

• . . . nuna pensanqanllaku?

BIBLIA YACHATSIKUNQAN

Tentëta munarmi Jesusta parlaparqan (Mateu 4:1-4). Tsëmi Diabluqa nunapa pensëninllatsu ni shonquntsikchö mana alli munëllatsu. Rasumpam kan y alläpa mana allim.

¿IMA MASTATAQ BIBLIA YACHATSIKUN?

• Bibliaqa willakun puntataqa juk alli angel kanqantam, y ‘rasunpa caqcunataqa mana gustanqanta’ (Juan 8:44). Tsënöpam ulikoq tikrarirqan y Diospa contran churakärirqan.

• Diospa contran Satanas churakäriptinmi, wakin angelkunapis qatiyarqan (Apocalipsis 12:9).

• Diabluqa nunakunata creitsin pë mana kanqantam (2 Corintius 4:4).

¿Diabluqa nunakunata dominanku?

WAKINKUNAQA NIYAN tsëqa cuentulla kanqanta y wakinnam mantsayan demoniukuna pëkunaman yëkukïkunanta. Y qamqa, ¿imataq ninki?

BIBLIA YACHATSIKUNQAN

“Diospa mana caqcunaqa diablupa muneninchomi caquicayan” (1 Juan 5:19). Diabluqa, nunapa rurëninkunamanmi mëtikun, peru manam llapankunataqa dominëta puëdintsu.

¿IMA MASTATAQ BIBLIAQA YACHATSIKUN?

• Diabluqa ulikïninwanmi nunakunata dominan (2 Corintius 11:14).

• Höraqa demoniukunapis nunakunata dominëta puëdiyanmi (Mateu 12:22).

• Diospa yanapakïninwanmi, Diablutaqa vencita puëdinki (Santiägu 4:7).