¿Imatataq Biblia yachatsikun?

¿Imëllapis yamë kawakushuntsuraq?

¿Y qamqa ima ninkimanraq?

• Awmi

• Manam

• Itsapis

Biblia yachatsikunqan

Señornintsik Jesucristu kë Patsata gobernamuptinqa, “yamë këqa killapis ushakänanyaqmi kanqa”, juk parlakïchöqa, imëyaqpis (Salmus 72:7).

¿Ima mastataq Biblia yachatsikun?

• Kë Patsachö täraq nunakunaqa ‘chipyëpa yamëmi’ kawakuyanqa, porqui mana allita ruraqkunaqa mananam kayanqanatsu (Salmus 37:10, 11).

• Diosqa chipyëpam guërrakunata ushakätsinqa (Salmus 46:8, 9).

¿Puëdishwantsuraq shonquntsikchö tranquïlu sientikïta?

Wakin nunakuna niyanqan. Kanan witsanqa, alläpa sufrimientu y mana alli rurëkunam kan. Tsëmi, wakinkunaqa shonquntsikchö tranquïlu kanapaq kaqtaqa creiyantsu. ¿Y qamqa ima ninkimanraq?

Biblia yachatsikunqan

Kanan witsampis, “imëka yarpachakïkuna janampa këkaq Diospa yamë” kënintam, pëpa amïgunkunaqa sientiyan (Filipensis 4:6, 7).

¿Ima mastataq Biblia yachatsikun?

• Diosqa sufrimientukunata y mana alli rurëkunata ushakätsinampaq, y ‘llapan imëkakunata mushoqta’ ruranampaqmi änikushqa (Revelacion [Apocalipsis] 21:4, 5).

• “Dios pushananta” wanaqkunallam, shonqunkunachö tranquïlu sientikïtaqa puëdiyan (Mateu 5:3).